02.05.2025

У Віцебску прайшла ўрачыстая цырымонія занясення на Дошку гонару прадстаўнікоў раённых і першасных арганізацый прафсаюза работнікаў АПК, прафактывістаў паўночнага рэгіёна

Мерапрыемства адбылося ў маляўнічай атмасферы дома-музея Іллі Рэпіна "Здраўнёва".

Прафсаюзны лідар аграрыяў Віцебшчыны Таццяна Дзіканава падкрэсліла важнасць адзінства і сумеснай працы, заклікаўшы ўсіх працягваць падтрымліваць адзін аднаго на шляху да новых дасягненняў: 

- Першамай сімвалізуе не толькі наступ цяпла і абнаўленне прыроды, але і нагадвае пра важнасць згуртаванасці і справядлівасці. Прафсаюз і праца непадзельныя – разам мы дамагаемся справядлівасці, абараняем правы работнікаў і будуем годныя ўмовы для кожнага. Вы сапраўдныя лідары, якія не толькі адстойваюць інтарэсы работнікаў, але і ствараюць умовы для годнай працы на прадпрыемствах нашай Віцебшчыны.

Прыемна, што сярод тых, хто ўдастоены высокай узнагароды і лепельчанка - старшыня першаснай прафсаюзнай арганізацыі УП "Пражэктар - агра" Вольга Атвалко.