13.11.2024

Вельмі кранальная праходзіць канцэртная праграма ў раённым Доме культуры, якую прадстаўляюць людзі з інваліднасцю, у чарговы раз паказваючы, што яны моцныя духам і ў іх неабмежаваныя магчымасці

На суд журы і гледачоў усяго будзе прадстаўлена каля 40 яркіх нумароў. Больш за 200 гасцей прыехалі з 15 раёнаў нашай рэспублікі.

Са словамі прывітання, пажаданнямі дабрабыту і дабра да прысутных звярнулася загадчыца сектара культуры райвыканкама Алена Барадзейка: 

— Прыемна, што фестываль на працягу многіх гадоў на лепельскай зямлі збірае творчых, таленавітых і актыўных людзей. Мерапрыемства аб'ядноўвае, усяляе ў кожнага веру, надзею, любоў, робіць людзей з інваліднасцю мацнейшымі і ўпэўненымі ў сабе.