04.04.2025

Віцебская і Ульянаўская вобласці плануюць падпісаць пагадненне аб супрацоўніцтве на XII Форуме рэгіёнаў Расіі і Беларусі ў Ніжнім Ноўгарадзе

Намеснік старшыні Віцебскага аблвыканкама Анжаліка Нікіціна правяла перамовы з губернатарам Ульянаўскай вобласці.

- У нашых рэгіёнаў вельмі падобная структура прамысловасці і эканомікі. Мы выбралі прыярытэтным напрамкам у рамках візіту станкабудаванне і машынабудаванне. У нас гэтыя напрамкі вельмі развітыя — больш за 50 прадпрыемстваў, якія выпускаюць тэхніку для камунальнай гаспадаркі, сельскай гаспадаркі, камплектацыю для станочнага абсталявання. Іншымі перспектыўнымі сферамі для супрацоўніцтва з'яўляюцца фармацэўтыка і біятэхналогіі, кампазітная вытворчасць, харчовая прамысловасць, ЖКГ, - падкрэсліла Анжаліка Нікіціна.

Таксама бакі дамовіліся аб развіцці супрацоўніцтва ў культурна-гуманітарнай сферы.