06.11.2025

Увага! Невідушчы пешаход

У рамках месячніка "Чалавек з белым кіем" ГА "БелТІЗ" па Лепельскім раёне сумесна з супрацоўнікамі аддзялення сацыяльнай рэабілітацыі і абілітацыі інвалідаў ТЦСАН Лепельскага раёна і аддзела ДАІ Лепельскага РАУС правялі акцыю "Увага! Невідушчы пешаход".

Удзельнікі мерапрыемства абмеркавалі меры па прафілактыцы дарожна-транспартных здарэнняў, звязаных з наездам на пешаходаў, і іншыя праблемы невідушчых людзей у галіне дарожнага руху.

Таксама праваахоўнікі дзяжурылі на пешаходных пераходах, на скрыжаваннях — там, дзе людзі з абмежаванымі магчымасцямі часцей за ўсё пераходзяць дарогу, уручалі кіроўцам буклеты і нагадвалі аб захаванні правіл дарожнага руху. Усе вадзіцелі прапускалі пешахода з белым кіем.

Акцыя заклікана прыцягнуць увагу грамадскасці і кожнага да праблем інвалідаў па зроку.