12.09.2025

Ва ўсіх раёнах Віцебскай вобласці ўведзены абмежаванні на наведванне лясоў. У Лепельскім - дзейнічае забарона

Дзмітрый Півень, галоўны ляснічы Віцебскага лясгаса:

- У пешым парадку могуць наведваць лес для нарыхтоўкі грыбоў, ягад і проста прагулкі па лесе. Але на механічным транспартным сродку забараняецца наведванне. Калі ўводзіцца поўная забарона на наведванне лясоў, натуральна, яна абмяжоўвае ў тым ліку і пешыя прагулкі, і збор грыбоў, ягад. Лясгас прымае папераджальныя прафілактычныя меры па абмежаваннях. Гэта ў асноўным гутаркі з мясцовым насельніцтвам, палявыя мерапрыемствы, выяўляюцца і злосныя парушальнікі, якія нават распальваюць вогнішчы ў забароненых месцах. Натуральна, за гэта прадугледжана і адміністрацыйная адказнасць. Але ў асноўным мы да людзей ставімся станоўча і абмяжоўваемся вуснымі заўвагамі і папярэджаннямі.