14.03.2025

Васьмікласнікам гімназіі ва ўрачыстай абстаноўцы ўручыў пашпарты пракурор Лепельскага раёна Віталь Жыгімонт

У сваім звароце да маладых грамадзян Віталь Жыгімонт адзначыў, што атрыманне пашпарта — гэта не толькі важны этап сталення, але і пачатак адказнага шляху, звязанага з правамі і абавязкамі перад краінай.

Праграма мерапрыемства была насычанай і разнастайнай. У фармаце інтэрактыўнай гульні дзеці праверылі свае веды Канстытуцыі Рэспублікі Беларусь, змаглі задаць наўпрост пытанні пракурору раёна аб школе, аб марах, аб патрыятызме.

Кульмінацыяй урачыстасці стала вымаўленне клятвы юнага грамадзяніна Рэспублікі Беларусь. З гонарам і шчырасцю школьнікі паабяцалі быць годнымі грамадзянамі сваёй краіны, паважаць яе законы і традыцыі.

Завяршылася мерапрыемства выкананнем песні "Мы - маладыя!", якая стала яркім акордам свята і сімвалам адзінства.