08.12.2025

Вось ён які, наш "Агракруiз"!

Сёння ў Бароўскім ЦКД было неверагодна цёпла, утульна і па-сямейнаму. Зала бурна падтрымлівала кожнага артыста - ад самых юных удзельнікаў да вопытных калектываў. Такая шчырая энергія залы - гэта і ёсць галоўная ўзнагарода для нашых талентаў!

У першай занальнай сустрэчы "Агракруіз-2025", прысвечанай Году добраўпарадкавання, спаборнічалі творчыя сілы з Бароўскага, Старалядненскага, Каменскага і Чарэйшчынскага Дамоў культуры.

Канцэртная праграма "Таленты роднай зямлі" ўразіла разнастайнасцю: лірычныя песні, запальныя танцы, гумарыстычныя сцэнкі і вершы.

Акрамя канцэрта, госці змаглі ацаніць выставу арт-аб'ектаў са смецця і адыходных матэрыялаў "Час збіраць...". Сапраўднае мастацтва з другаснай сыравіны!

Усе ўдзельнікі атрымалі памятныя сертыфікаты, але галоўны прыз - гэта апладысменты і падтрымка землякоў. "Агракруіз" чарговы раз даказаў: нашы вёскі багатыя талентамі, а сельская культура - жывая і прыгожая!