02.10.2025

Успомнілі сваіх ветэранаў і прафсаюзныя арганізацыі Лепельшчыны

Так, старшыня Лепельскай раённай прафсаюзнай арганізацыі Беларускага прафсаюза работнікаў аграпрамысловага комплексу Наталля Мончык сумесна з адміністрацыяй і старшынёй пяршоўкі ААТ "Лепельаграсэрвіс" напярэдадні Дня пажылога чалавека наведалі жанчыну, якая не адно дзесяцігоддзе прысвяціла сябе прадпрыемству і прафсаюзнаму руху - Таццяну Васільеўну Лукомскую.

З добрымі словамі і пажаданнямі звярнуліся да былога прафсаюзнага лідара Наталля Эрыкасаўна, а таксама дырэктар прадпрыемства Міхаіл Снапкоўскі і прафсаюзны лідар Людміла Верташонак.

У завяршэнні віншаванні Наталля Эрыкасаўна ўручыла падзячны ліст за шматгадовую працу падкрэсліўшы, што Дзень пажылых людзей – гэта свята дабра і павагі да старэйшага пакалення і адзначыўшы, што мудрасць старэйшых пакаленняў неабходная разам з ініцыятывай маладых для развіцця грамадства.