21.06.2022

З 23 па 26 чэрвеня - у Лепельскім раёне прафілактычныя мерапрыемствы

З 23 па 26 чэрвеня 2022 года на тэрыторыі Лепельскага раёна супрацоўнікамі АДАІ МГБ Лепельскага РАУС праводзяцца прафілактычныя мерапрыемствы, накіраваныя на папярэджанні ДТЗ з удзелам  і па віне ўразлівых удзельнікаў дарожнага руху.

У студзені-маі 2022 года ў Рэспубліцы Беларусь адзначана зніжэнне колькасці дарожна-транспартных здарэнняў з удзелам дзяцей са 146 да 116, загінуўшых з 7 да 6 і параненых са 152 да 119 у іх непаўналетніх. Але разам з тым толькі ў маі месяцы на тэрыторыі краіны пацярпелі 48 непаўналетніх.  Неспрыяльная абстаноўка з дзіцячым дарожна-транспартным траўматызмам склалася і ў Віцебскай вобласці: загінула адно дзіця – вадзіцель мапеда. На тэрыторыі Лепельскага раёна ДТЗ з удзелам дзяцей не дапушчана.

Па віне вадзіцеляў пацярпелі 78 са 116 дзяцей, больш за палову — 59 непаўналетніх удзельнікаў дарожнага руху — атрымалі траўмы ў якасці пешаходаў. 44 дзіцяці пацярпелі ў якасці пасажыраў, кожны другі непаўналетні пасажыр перавозіўся з парушэннем устаноўленых правілаў, 17 дзяцей пацярпелых перамяшчаліся на веласіпедах.

Перыяд пачатку летніх школьных канікул традыцыйна характарызуецца наяўнасцю шэрагу пагроз забеспячэнню бяспекі дзяцей на дарозе. Адна з асноўных такіх рызык - павелічэнне актыўнасці перавозак дзяцей з месцаў адпачынку асабістым транспартам і ў складзе арганізаваных груп аўтобусамі. Не менш важнай акалічнасцю з'яўляецца наяўнасць вялікай колькасці вольнага часу ў дзяцей, а таксама бескантрольнасці з боку дарослых.

У мэтах забеспячэння своечасовага ўздзеяння на адзначаныя і іншыя выклікі і пагрозы бяспецы дзяцей на дарозе, павышэння эфектыўнасці работы органаў унутраных спраў па ўстараненню прычын і ўмоў дзіцячага дарожна-транспартнага траўматызму з 15 чэрвеня па 15 жніўня 2022 года праводзіцца летняя рэспубліканская прафілактычная кампанія «Летам дзеці ў бяспецы!», накіраваная на папярэджанне дарожна-транспартных здарэнняў з удзелам непаўналетніх. Таксама з 23 па 26 чэрвеня 2022 года супрацоўнікі АДАІ МГБ Лепельскага РАУС правядуць прафілактычныя мерапрыемствы па папярэджанні ДТЗ з удзелам і па віне ўразлівых удзельнікаў дарожнага руху, накіраваныя на папярэджанне і спыненне фактаў знаходжання на праезнай частцы дарогі асоб у стане алкагольнага ап'янення, захавання правілаў дарожнага руху ў частцы пераходу праезнай часткі дарогі, абсталяванне ровараў і гужавога транспарту згодна правілаў дарожнага руху.

У выпадку выяўлення ўказаных удзельнікаў дарожнага руху неадкладна інфармаваць дзяжурную частку АУС Лепельскага  райвыканкама па наступных тэлефонах:  +375297102789 (МТС), +375293274602 (А1) або 102.