14.03.2023

Адвакаты Беларусі бясплатна пракансультуюць малазабяспечаных 15 сакавіка

Адвакаты Беларусі правядуць бясплатныя кансультацыі для малазабяспечаных 15 сакавіка, у Дзень Канстытуцыі Беларусі. Аб гэтым паведаміла БЕЛТА прэс-сакратар Беларускай рэспубліканскай калегіі адвакатаў Ірына Рэўт.

Акцыя пройдзе ва ўсіх тэрытарыяльных калегіях адвакатаў. Малазабяспечаныя грамадзяне змогуць атрымаць юрыдычную кансультацыю ў галіне працоўнага, грамадзянскага, сямейнага, жыллёвага і іншага права. Вусныя кансультацыі будуць дадзены па пытаннях, якія не звязаны з прадпрымальніцкай дзейнасцю і не патрабуюць азнаямлення з дакументамі.

Падрабязная інфармацыя аб правядзенні акцый у кожным рэгіёне будзе размешчана на сайтах тэрытарыяльных калегій адвакатаў.

Па рашэнні савета БРКА такія акцыі адвакаты таксама правядуць 5 мая - з нагоды Дня Перамогі, 26 чэрвеня - Дня ўтварэння адвакатуры Беларусі, 29 верасня - Дня пажылых людзей і 1 снежня - Дня юрыста.

БелТА