13.02.2023

Установы аховы здароўя Беларусі атрымалі 12 аўтамабіляў хуткай дапамогі

Установы аховы здароўя Беларусі атрымалі 12 аўтамабіляў хуткай медыцынскай дапамогі, перадае карэспандэнт БЕЛТА.

У 2022 годзе Банк развіцця сумесна з Міністэрствам аховы здароўя пачаў рэалізацыю новага сацыяльнага праекта па абнаўленні парку аўтамабіляў хуткай медыцынскай дапамогі ўстаноў аховы здароўя краіны. Праект разлічаны на тры гады, за гэты перыяд беларускім паліклінікам і бальніцам плануецца перадаць 66 машын. Своечасовае абнаўленне парку аўтамабіляў хуткай медыцынскай дапамогі з'яўляецца адным з ключавых фактараў аператыўнага і якаснага аказання меддапамогі насельніцтву.

Усе аўтамабілі айчыннай вытворчасці - машыны збіраюць на ААТ "МАЗ", які выконвае гэтыя работы сумесна з даччыным прадпрыемствам "Купава". У выніку ў 2022 годзе Мінскі аўтазавод вырабіў першыя 22 машыны, якія аснашчаны ўсім неабходным абсталяваннем. Па два аўтамабілі ўжо атрымалі ўстановы аховы здароўя Бабруйска, Віцебска, Мазыра, Наваполацка і Полацка. Астатнія 12 машын хуткай дапамогі перададзены ўстановам аховы здароўя Баранавіч, Ліды, Мінска і Пінска сёння.

Банк развіцця на пастаяннай аснове аказвае максімальнае садзейнічанне вырашэнню актуальных сацыяльных праблем беларускага грамадства. Галоўнай задачай спонсарскіх праектаў банка з'яўляецца мэтанакіраванае аказанне дапамогі маючым у гэтым патрэбу катэгорыям насельніцтва, вырашэнне розных сацыяльных праблем, а таксама павышэнне якасці жыцця грамадзян. На працягу многіх гадоў сістэмная і шматвектарная работа па названым напрамку дала магчымасць рэалізаваць дзясяткі значных сацыяльных праектаў: "Школьны аўтобус", "Здаровы малыш", аказанне спонсарскай дапамогі рэспубліканскім навукова-практычным цэнтрам рознага профілю і іншым установам аховы здароўя, узнаўленне напрастольнага крыжа Тураўскай епархіі XII-XIII стагоддзяў і іншыя.

БелТА