Насельніцтва

У Лепельскім раёне на 01.01.2025 года пражывае 29 856 чалавек, у горадзе – 16 895, раёне – 12 961. Сярод іх мужчын – 14 483 (47%), жанчын – 15 373 (53%). На долю працаздольнага насельніцтва прыпадае 56% ад агульнай колькасці жыхароў (з іх мужчын – 56%, жанчын – 44%).

Найбуйнейшым населеным пунктам раёна з'яўляецца яго адміністрацыйны цэнтр - г. Лепель.

223 сельскіх населеных пунктаў аб'яднаны ў 9 сельскіх Саветаў: Баброўскі, Бароўскі, Валасавіцкі, Горскі, Дамжарыцкі, Каменскі, Лепельскі, Слабадскі, Стайскі.

На тэрыторыі Лепельскага раёна ў міры і згодзе пражываюць грамадзяне 32 нацыянальнасцяў, у тым ліку беларусаў – 86,5%, рускіх – 10,1%, украінцаў – 2,1%, грамадзян іншых нацыянальнасцяў – 1,35%.