Галоўная / Навіны / Навіны рэгіёна

Будынак былой жаночай гімназіі ў Оршы прададзены больш як за Br1,05 млн

07.04.2021

Будынак былой жаночай гімназіі ў Оршы прададзены на аўкцыёне "Віцебскаблмаёмасці" больш як за Br1,05 млн, паведамілі карэспандэнту БЕЛТА ў камітэце.

Пабудова з'яўляецца аб'ектам гісторыка-культурнай спадчыны і стала самай дарагой нерухомай маёмасцю, набытай на таргах "Віцебскаблмаёмасці" ў 2021 годзе. Новым уласнікам гістарычнага будынка ў цэнтры горада стала прыватная кампанія з Оршы. Адным з варыянтаў выкарыстання нерухомай маёмасці разглядаецца стварэнне на яе базе гандлёва-дзелавога цэнтра.

У склад лота ўключаны двухпавярховы будынак вучэбнага корпуса 1917 года пабудовы агульнай плошчай амаль 1,8 тыс. кв.м, а таксама ўзведзеная ў 1962 годзе двухпавярховая прыбудова плошчай 550 кв.м і права 20-гадовай арэнды ўчастка зямлі 0,32 га. Да 2013 года ў будынку размяшчаўся адзін з вучэбных карпусоў Аршанскага каледжа Віцебскага дзяржаўнага ўніверсітэта імя П. Машэрава. З 2019 года аб'ект выстаўляўся на таргі, а новага ўласніка ўдалося знайсці з пятай спробы, калі пачатковая цана продажу была зніжана на 30 працэнтаў. Пакупнік абавязуецца на працягу 30 каляндарных дзён з моманту пераходу права ўласнасці на матэрыяльную гісторыка-культурную каштоўнасць падпісаць ахоўнае абавязацельства. Акрамя таго, яму трэба будзе кампенсаваць расходы ў памеры амаль Br2,5 тыс. на афармленне дакументаў на нерухомую маёмасць балансатрымальніку, якім выступае ўстанова культуры "Музейны комплекс гісторыі і культуры Аршаншчыны".

Паводле даных "Віцебскаблмаёмасці", упершыню ў 2021 годзе набыта нерухомая маёмасць на таргах са зніжэннем цаны на 30 працэнтаў. Былы вучэбны корпус стаў 21-м прададзеным аб'ектам. Папярэднія будынкі і збудаванні былі прададзены на аўкцыёнах з пачатковай цаной 1 БВ (10 аб'ектаў) альбо са зніжэннем цаны на 80 працэнтаў (10 аб'ектаў).

БелТА


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг