Галоўная / Навіны / Навіны рэгіёна

Коласаўскі тэатр да свайго 95-годдзя рыхтуе прэм'еру спектакля «Ціль»

09.11.2021

Нацыянальны акадэмічны драматычны тэатр імя Якуба Коласа 21 лістапада адзначыць свой 95-гадовы юбілей. Коласаўцы выйдуць на вялікую сцэну з прэм'ерай трагікамедыі "Ціль" паводле п'есы Рыгора Горына, паведамілі БЕЛТА ў тэатры.

У спектаклі занята амаль уся трупа, ролю Ціля Уленшпігеля выконвае вядучы майстар сцэны Яўген Бераснеў. Рэжысёр спектакля - мастацкі кіраўнік тэатра Міхаіл Краснабаеў.

Пастаноўка насычана яркім гумарам і гераічным пафасам. "Створаная па матывах рамана Шарля дэ Кастэра, п'еса Рыгора Горына расказвае пра сярэдневяковага блазна Ціля Уленшпігеля, гісторыя якога ніколі не страціць актуальнасці. Некалі яго бацькам Клаасу і Саоткін прадказалі, што ў іх сям'і народзіцца герой Фландрыі. Так і спраўдзілася - гаварун і весялун Ціль з цягам часу ператворыцца ў прыклад мужнасці і свабодалюбства, у героя, здольнага гаварыць праўду скрозь лёгкія насмешкі і саркастычныя выказванні. Творца па сутнасці, Ціль жартуе і змагаецца з хлуснёй у неспрыяльных умовах росквіту іспанскай інквізіцыі і вайны. Яго востры язык не шкадуе нікога. Разам з тым Ціль справядлівы і моцны духам, ён любіць, марыць, разважае па-філасофску глыбока, ён верыць, што пераможа дабро", - расказалі коласаўцы.

Сцэнаграфію да спектакля рыхтуе Наталля Лавіцкая-Ермалова, касцюмы стварае Святлана Макаранка. Музыка Руслана Стаброўскага, харэаграфія Дзіяны Юрчанка. Пераклаў п'есу і тэксты песень Алесь Замкоўскі.

БелТА


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг