Прэзідэнт Беларусі Аляксандр Лукашэнка адобрыў праект пратакола аб унясенні дапаўнення ў міжурадавае пагадненне з Арменіяй аб узаемных бязвізавых паездках грамадзян. Адпаведны ўказ кіраўнік дзяржавы падпісаў 1 сакавіка, паведамілі БЕЛТА ў прэс-службе беларускага лідара.

Дакументам прапануецца вызваліць грамадзян аднаго боку, якія часова знаходзяцца на тэрыторыі іншага боку, ад рэгістрацыі (пастаноўкі на ўлік па месцы знаходжання) на працягу 30 дзён з даты ўезду. Пасля заканчэння гэтага тэрміну такія асобы павінны зарэгістравацца.

Аляксандр Лукашэнка ўпаўнаважыў Міністэрства замежных спраў на правядзенне перагавораў па праекце пратакола і падпісанне дакумента пры дасягненні дамоўленасці.

БелТА