Беларуская экспазіцыя прадстаўлена на 30-й міжнароднай спецыялізаванай выстаўцы-форуме "Газ. Нафта. Тэхналогіі", якая праходзіць 24-27 мая ва Уфе, паведамілі БЕЛТА ў "Белінтэрэкспа" Беларускай гандлёва-прамысловай палаты.

У экспазіцыі прымаюць удзел прадпрыемствы канцэрна "Белнафтахім": "Белнафтахім-РОС", "Белшына", "Гродна Азот", Завод горнага воску, "Лакафарба", Мазырскі нафтаперапрацоўчы завод, "Полацк-Шкловалакно", "Сейсматэхніка".

Прадстаўлены шыны, азотныя ўгнаенні, поліамідныя і поліэфірныя ніці, кордныя тканіны, палімерныя кампазіцыйныя матэрыялы, масла, змазкі, парафін, воск, грунтоўкі, эмалі, паўфабрыкатная прадукцыя, бензіны, дызельнае паліва, топачны мазут, нафтавыя бітумы, паліўныя газы, шкловалакно і матэрыялы, нафтапрамысловае і геафізічнае абсталяванне. Сярод унікальных пазіцый - фталевы ангідрыд, які адпавядае еўрапейскім стандартам, ад завода "Лакафарба", адзінага вытворцы гэтай прадукцыі ў Беларусі.

Арганізатар беларускай экспазіцыі - выставачнае прадпрыемства "Белінтэрэкспа" БелГПП. Мерапрыемства арганізавана пры падтрымцы і актыўным садзейнічанні аддзялення пасольства Беларусі ў Расійскай Федэрацыі ва Уфе.

БелТА