Міністэрства аховы здароўя апублікавала відэа аб прафілактыцы інфікавання каранавірусам COVID-19
Медыкі ў відэа распавядаюць пра тое, як засцерагчы сябе і сваіх блізкіх. Пералічваюцца шэсць пунктаў, якія павінен ведаць кожны. Вірус распаўсюджваецца праз прамы кантакт. Гэта значыць трэба знаходзіцца як мінімум у метры ад чалавека, у якога ёсць сімптомы, каб знізіць рызыку заражэння. Сiмптомы могуць ўключаць ліхаманку, кашаль і дыхавіцу
У больш цяжкіх выпадках інфекцыя можа выклікаць пнеўманію. Да найбольшай небяспекі схільныя пажылыя людзі.
Неабходна часцей мыць рукі з мылам і вадой не менш за 20 секунд або апрацоўваць іх спіртазмяшчальнымі сродкамі. Пры кашлi або чханні трэба прыкрываць нос і рот локцем або папяровай сурвэткай.
Калі адсутнічаюць сімптомы хваробы, то няма неабходнасці насіць маску. Яе рэкамендуецца апранаць людзям, якія кашляюць ці чхаюць - каб абараніць навакольных.
У відэа гаворыцца, што на дадзены момант няма дастатковых дадзеных аб тым, цi перадаецца вірус ад цяжарнай маці дзіцяці. Таксама на сёння няма пэўных лекаў ад інфекцыі і для яе прафілактыкі.
У відэа раяць сачыць за навінамі Міністэрства аховы здароўя, ЮНІСЕФ і Сусветнай арганізацыі аховы здароўя