Нацыянальны конкурс «Прадпрымальнік года»

У адпаведнасці з Пастановай Савета Міністраў ад 17 сакавіка 2016 года № 207 Міністэрства эканомікі аб'яўляе пра старт з 1 красавіка 2020 года Нацыянальнага конкурсу «Прадпрымальнік года».

Па выніках конкурсу ў кожнай вобласці і ў горадзе Мінску спецыяльна створаныя аргкамітэты (журы), у склад якіх увойдуць вядомыя прадпрымальнікі і прадстаўнікі органаў дзяржкіравання, вызначаць лепшых бізнесменаў у намінацыях:

• «Паспяховы старт»;
• «Стабільны поспех» (у дадзенай намінацыі ўдзельнічаюць буйныя прадпрыемствы);
• «Эфектыўны бізнес у сферы вытворчасці»;
• «Эфектыўны бізнес у сферы паслуг»;
• «Эфектыўны індывідуальны бізнэс» (у дадзенай намінацыі ўдзельнічаюць індывідуальныя прадпрымальнікі).

Прадпрымальнікі, якія жадаюць прыняць удзел у конкурсе павінны накіраваць свае заяўкі ў адпаведныя органы выканаўчай улады (па месцы дзяржаўнай рэгістрацыі) - у гарвыканкамы, райвыканкамы, адміністрацыі раёнаў г. Мінска.

Прыём заявак будзе ажыццяўляцца да 1 чэрвеня 2020 года.

Удзел у конкурсе бясплатны.

Да спіса навін