Запрашэнне для прыняцця ўдзелу ў долевым будаўніцтве
Даччынае камунальнае ўнітарнае прадпрыемства «Упраўленне капітальнага будаўніцтва Лепельскага раёна» (далей – забудоўшчык) прапануе прыняць удзел у долевым будаўніцтве аб'екта «60-кватэрны жылы дом па вул. Школьная ў г. Лепелі».
Кошт у бягучых цэнах 1 м2 з аздабленнем складае 1322,61 беларускіх рублёў, без аздаблення складае 1152,65 беларускіх рублёў.
Пачатак будаўніцтва - 17.08.2020 г., меркаваны тэрмін заканчэння будаўніцтва - жнівень 2021 года.
Месца знаходжання аб'екта г. Лепель, вул. Школьная, 19
Жылы дом 5-ці павярховы, 3-х секцыйны з вонкавымі сценамі з цэглы трохслаёвай канструкцыі і блокаў ячэістага бетону. Будынак з падвалам, халодным гарышчам, скатным дахам і арганізаваным вонкавым водаадводам. Колькасць кватэр - 60 з паасобнымі санітарнымі вузламі. Агульная плошча кватэр - 3.382,30 м2 . Лоджыі ў кватэрах зашклёныя. Уваходныя дзверы ў пад'езд металічныя, узмоцненыя, укамплектаваныя ахоўна-перагаворнай прыладай. Уваходныя дзверы ў кватэру - металічныя. Вокны - ПВХ, ацяпляльныя прыборы ў кватэрах - чыгунныя радыятары. Для забеспячэння ўмоў жыццядзейнасці маламабільных груп насельніцтва - вонкавы пандус на ўваходах у будынак.
Аднапакаёвыя кватэры:
агульнай плошчай - 40,96 м2 , жылой - 17,65 м2 ;
Двухпакаёвыя кватэры:
агульнай плошчай - 58,28 м2 , жылой - 29,54 м2 ;
агульнай плошчай - 59,54 м2 , жылой - 30,36 м2 ;
агульнай плошчай - 59,29 м2 , жылой - 33,57 м2 ;
Трохпакаёвыя кватэры:
агульнай плошчай - 79,20 м2 , жылой - 44,16 м2 .
Заключэнне дагавораў стварэння аб'ектаў долевага будаўніцтва ажыццяўляецца ў офісе забудоўшчыка (г. Лепель, вул. Партызанская, 10). Для заключэння дагавора неабходна асабістая прысутнасць прэтэндэнта або яго прадстаўніка з наяўнасцю праваўстанаўліваючых дакументаў (пашпарт, даверанасць). Азнаёміцца з ходам будаўніцтва, планіроўкай кватэр і атрымаць дадатковую інфармацыю можна у забудоўшчыка.
Даведкі па тэлефонах: 802132 69537; 69584