52-і асобны спецыялізаваны пошукавы батальён адкрывае чарговы пошукавы сезон
На працягу пошукавага сезона палявыя пошукавыя работы будуць праведзены на 123 аб'ектах. Яны пройдуць у 48 раёнах нашай краіны.
Падраздзяленні працягнуць правядзенне пошукавых работ у рамках расследавання крымінальнай справы аб генацыдзе беларускага народа ва ўрочышчы "Уручча" Мінскага раёна Мінскай вобласці, а таксама пачнуць правядзенне работ па пошуку няўлічаных воінскіх пахаванняў у Гродне і Гродзенскім раёне.
Сумесна з ваярамі-пашукавікамі ў пошукавых работах таксама прымуць удзел 8 грамадскіх пошукавых аб'яднанняў і пошукавых клубаў Беларусі, 5 пошукавых клубаў рэгіянальных пошукавых грамадскіх аб'яднанняў Расійскай Федэрацыі і 1 пошукавы клуб Рэспублікі Казахстан.
У рамках міжнароднага супрацоўніцтва ваенных ведамстваў Рэспублікі Беларусь і Расійскай Федэрацыі запланаваны абмен вопытам правядзення пошукавых работ паміж беларускімі і расійскімі ваеннымі пашукавікамі.