«Белдзяржстрах» адкрыў пункт продажу паслуг у Лепелі
Святкаванне векавога юбілею кампаніі «Белдзяржстрах» працягвае шэраг урачыстых мерапрыемстваў. У дзень 100-годдзя з дня ўтварэння калектыў прадстаўніцтва арганізацыі па Лепельскім раёне адкрыў пункт продажу страхавых паслуг. Гандлёвая кропка размясцілася па вуліцы Савецкай побач з будынкам МРЭА ДАІ АУС Лепельскага райвыканкама.
Паветраныя шары, чырвоная стужка, прыбраныя супрацоўнікі, падарункі, першыя наведвальнікі - адкрыццё пункта продажу найбуйнейшай страхавой кампаніі прайшло, што называецца, у лепшых традыцыях. Старт працы новага аб'екта дала дырэктар прадстаўніцтва «Белдзяржстраху» па Лепельскім раёне Алена Вашкевіч. Перарэзаўшы чырвоную стужку, кіраўнік тут жа запрасіла першага госця. Ім стаў жыхар гарадскога пасёлка Бешанковічы Фаніль Якубовіч.
- Паслугамі вашай кампаніі я карыстаюся ўжо больш за 30 гадоў і вельмі задаволены. Усё надзейна, хутка, даступна. Віншую «Белдзяржстрах» з такім юбілеем, рады, што сёння я стаў першым наведвальнікам пункту продажу, які толькі што адкрыўся, — адзначыў страхавальнік.
Прыемным для мужчыны стала і ўручэнне падарункаў ад кампаніі - Алена Вашкевіч уручыла наведвальніку фірмовы блакнот і ручку, а таксама флікер і бірульку з лагатыпам «Белдзяржстрах».
Хуткае афармленне любога віду абавязковых і добраахвотных страхавых паслуг, ветлівыя агенты, камфортнае памяшканне і зручнае месцазнаходжанне - вось галоўныя казыры новага пункта продажаў паслуг ад «Белдзяржстрах».
- Мы з радасцю будзем сустракаць нашых пастаянных кліентаў, а таксама новых. Тут можна будзе заключыць як новы дагавор, так і зрабіць аплату чарговых частак страхавых узносаў пры растэрміноўцы плацяжоў. Давер нашай кампаніі засноўваецца на выкананні ўмоў і ўзятых абавязацельстваў, гарантыі страхавых выплат, высокай якасці паслуг, аператыўнасці, а таксама індывідуальнаму падыходу да кожнага кліента, - падкрэсліла Людміла Стэльмах, агент страхавой, які будзе працаваць у новым пункце продажаў.
Дарэчы, Людміла Іванаўна Стэльмах - супрацоўнік з 21-гадовым стажам працы. За плённую і добрасумленную працу, істотны ўклад у развіццё страхавання, дасягненне высокіх паказчыкаў у працы і ў сувязі са 100-годдзем з дняўтварэння «Белдзяржстраху» вопытны работнік узнагароджаны Граматай генеральнага дырэктара кампаніі.
- За гэтыя гады я ні разу не пашкадавала, што звязала сваё жыццё менавіта з гэтай прафесіяй. Сёння я адчуваю пачуццё гонару за наш дружны калектыў, за ўсю кампанію, гісторыя якой перасекла векавы рубеж. Мы ведаем нашых кліентаў асабіста, чакаем іх заўсёды і рады бачыць. Працаваць у пункце продажу буду з вялікім задавальненнем, бо для гэтага ёсць усе камфортныя ўмовы - у памяшканні цёпла і ўтульна, ёсць неабходнае сучаснае абсталяванне, - падкрэсліла Людміла Іванаўна.
***
Пункт продажу страхавых паслуг чакае сваіх кліентаў у аўторак, сераду, чацвер, пятніцу і суботу з 8 раніцы да 16 гадзін. Абед - з 13 да 14 гадзін. Добрых продажаў, «Белдзяржстрах»!
Яна Міснік
Лепельскі край http://www.lepel-kraj.by/belgosstrax-otkryl-punkt-prodazhi-uslug-v-lepele/