Дэлегат УНС Андрэй Балотнік "Падзея запомніцца надоўга"
Сёння дэлегат УНС Андрэй Балотнік падзяліўся асабістымі эмоцыямі і ўражаннямі ад двух насычаных дзён пасяджэння з калектывам ТЦСАН Лепельскага раёна.
– Мая галоўная задача – данесці да вас тыя рашэнні, якія былі прыняты падчас УНС, - адзначыў Андрэй Леанідавіч.
Спікер распавёў, як праходзіў сход, якія тэмы былі агучаны і якія рашэнні прыняты ўдзельнікамі.
Важным вынікам пасяджэння стала зацвярджэнне ключавых дакументаў – Канцэпцыі нацыянальнай бяспекі і Ваеннай дактрыны нашай дзяржавы. Новая рэдакцыя Канцэпцыі нацыянальнай бяспекі Рэспублікі Беларусь павінна зрабіць наша жыццё паўнавартасным, засцерагчы краіну і людзей, абараніць ад пагроз і іх крыніц. Што да Ваеннай дактрыны, то ў ёй падкрэсліваецца, што Беларусь - міралюбівая краіна, якая нікому не пагражае, а спробы ўмяшання ва ўнутраныя справы дзяржавы, а тым больш пагроза прымянення ваеннай сілы або агрэсія будуць спыняцца з выкарыстаннем усяго наяўнага патэнцыялу.
Таксама прысутныя мелі магчымасць задаць пытанні:
— Шмат грамадзян пражывае ў вёсцы, дзе пячное ацяпленне. У нашым раёне няма печніка, да якога можна было б звярнуцца.
Прагучала і пытанне па спартыўнай тэме:
— Раней праводзіліся ў раёне шматлікія спаборніцтвы па футболе, наша каманда была адна з наймацнейшых у рэспубліцы. Як аднавіць гэту традыцыю?
Андрэй Леанідавіч паабяцаў разгледзець пытанні ў рамках сваіх паўнамоцтваў.
Наталля Храпавіцкая. Газета "Лепельскі край"