Аршанскі інструментальны завод асвоіць выпуск унікальнай імпартазамяшчальнай прадукцыі
Аршанскі інструментальны завод, які ўваходзіць у холдынг "МТЗ", асвоіць выпуск унікальнай імпартазамяшчальнай прадукцыі - гайкарэзаў з хуткарэзнай сталі і цвёрдага сплаву з нанясеннем зносастойкага пакрыцця. Аб гэтым БЕЛТА паведамілі на МТЗ.
"У Беларусі аналагі такога інструмента не выпускаюць, за мяжой ёсць толькі адзінкавыя вытворцы. Для вырабу новых гайкарэзаў наш завод закупіў лінію высокатэхналагічнага абсталявання вытворчасці КНР. Яна складаецца з 12 станкоў з ЛПК і 9 адзінак дапаможнага абсталявання. Яны паступілі ўжо на прадпрыемства", - расказаў дырэктар ААТ "АІЗ" Леанід Мойжык.
Асноўнае абсталяванне аснашчана маніпулятарамі-рукамі. Сродкі аўтаматызацыі дадуць магчымасць арганізаваць многастаночнае абслугоўванне. У прыватнасці, адзін аператар будзе працаваць адразу за 3-4 станкамі. "Дакладнасць, якасць і цана стануць нашымі галоўнымі перавагамі", - падкрэсліў дырэктар.