Наладкі
Наладкі шрыфта
Arial
Times New Roman
Памер шрыфта
A
A
A
Iнтэрвал памiж лiтарамі
Паменшаны
Стандартны
Вялікі
Каляровая схема
Чорным
па белым
Белым
па чорным
Лепельскі раённы выканаўчы камітэт
21 ліпеня 2021

ДА «Віцебскае ўпраўленне будаўніцтвам» плануе выйсці на рынак будпаслуг Пскоўскай вобласці

Дзяржаўнае аб'яднанне "Віцебскае ўпраўленне будаўніцтвам" плануе выйсці на рынак будаўнічых паслуг Пскоўскай вобласці, паведаміў карэспандэнту БЕЛТА генеральны дырэктар аб'яднання Аляксей Гапоненка.

Адзін з буйнейшых забудоўшчыкаў расійскага рэгіёна ААТ "Пскоўжылбуд" прапанаваў віцебскаму дзяржаб'яднанню ў якасці пілотнага праекта разгледзець магчымасць удзелу ва ўзвядзенні 4 аб'ектаў на тэрыторыі абласнога цэнтра. Цяпер "Віцебскае ўпраўленне будаўніцтвам" падлічвае эканоміку праектаў, прапрацоўвае і ацэньвае магчымасці для павышэння канкурэнтаздольнасці паслуг, а таксама фарміруе найбольш выгадны экспартны прадукт для выхаду на будаўнічы рынак Пскоўскай вобласці. "У расійскім рэгіёне перавага аддаецца супрацоўніцтву з буйнымі прадпрыемствамі будаўнічай галіны. Патэнцыял нашага аб'яднання зацікавіў расійскіх калег, а з улікам развіцця міжрэгіянальнага ўзаемадзеяння на ўзроўні адміністрацый дзвюх абласцей гэта стварае спрыяльную глебу для перагавораў аб стратэгічным партнёрстве", - расказаў Аляксей Гапоненка.

У прыватнасці, размова ідзе аб падключэнні віцебскага аб'яднання да рэалізацыі на тэрыторыі Пскоўскай вобласці некаторых федэральных праграм, якія прадугледжваюць узвядзенне жылля для асобных сацыяльных катэгорый насельніцтва, а таксама для перасялення грамадзян. Акрамя таго, магчымы ўдзел віцебскіх будаўнікоў у інвестыцыйным праекце па ўзвядзенні жылога мікрараёна са спадарожнай інфраструктурай на тэрыторыі горада Вялікія Лукі, буйнога гандлёва-прамысловага цэнтра вобласці.

Такія дамоўленасці дасягнуты па выніках перагавораў у ходзе нядаўняга візіту гендырэктара аб'яднання ў расійскі рэгіён у складзе афіцыйнай дэлегацыі Віцебскай вобласці. Паездка была арганізавана па запрашэнні расійскага боку ў якасці візіту ў адказ пасля наведвання Віцебска губернатарам Пскоўскай вобласці ў верасні 2020 года. У пачатку 2021 года ў рамках падрыхтоўкі да VIII Форуму рэгіёнаў Беларусі і Расіі Віцебскі аблвыканкам і Адміністрацыя Пскоўскай вобласці зацвердзілі План мерапрыемстваў на 2021-2023 гады ў развіццё Пагаднення аб супрацоўніцтве паміж рэгіянальнымі органамі выканаўчай улады, падпісанага ў верасні 2015 года.

ДА "Віцебскае ўпраўленне будаўніцтвам" створана па рашэнні Віцебскага аблвыканкама ў красавіку 2018 года для агульнага кіравання і каардынацыі дзейнасці арганізацый будаўнічай галіны камунальнай формы ўласнасці, а таксама прадстаўлення іх інтарэсаў, развіцця экспарту будаўнічых паслуг. Сёння ў склад дзяржаб'яднання ўваходзіць 14 арганізацый з агульнай колькасцю работнікаў больш як 3,6 тыс. спецыялістаў. Гэта забяспечвае магчымасць заключаць вялікія будаўнічыя кантракты на ўзвядзенне аб'ектаў, у тым ліку складаных, "пад ключ".

Сярод удзельнікаў аб'яднання 10 будаўнічых прадпрыемстваў, сярод якіх ДП "Віцебскі ДБК", "Віцебсксельбуд", ААТ "Будаўнічы трэст нумар 9, г. Віцебск", ДП "Лепельская ПМК-75", а таксама праектныя УП "Інстытут Віцебскграмадзянпраект", ААТ "Віцебскпраектрэстаўрацыя", ДП "Полацкі тэхпраект" і шэраг іншых спецыялізаваных арганізацый.

БелТА

Да спіса навін