22 лістапада 2023
Коласаўскі тэатр у Віцебску адзначыў дзень нараджэння
21 лістапада коласаўцы адзначылі дзень нараджэння тэатра. Менавіта ў гэты дзень у 1926 годзе ў Віцебску адкрыўся Другі Беларускі дзяржаўны тэатр, які вырас са студыі пры МХАТ імя М.Горкага ў Маскве. Праз 18 гадоў за дасягненні ў развіцці беларускай культуры тэатру было прысвоена імя Якуба Коласа. У дзень нараджэння тэатра гледачам быў паказаны спектакль, які ўжо даўно стаў візіткай тэатра, - камедыя Віталя Вольскага "Несцерка".