Забароны на наведванне лясоў уведзены ва ўсіх абласцях Беларусі
Ва ўсіх абласцях Беларусі ўведзены забароны на наведванне лясоў, паведамляе БЕЛТА са спасылкай на аператыўную інфармацыю Міністэрства лясной гаспадаркі.
У Мінлясгасе адзначылі, што ў сувязі з высокім класам пажарнай небяспекі абмежаванні на наведванне лясоў дзейнічаюць у 28 раёнах краіны.
У 90 раёнах у кожнай вобласці Беларусі ўведзены забароны на наведванне лясоў. У Віцебскай вобласці забаронена наведванне лясоў у 17 раёнах, у Магілёўскай - у 19, Гомельскай і Мінскай - у 21, Брэсцкай - у 10 і Гродзенскай - у 2. У ведамстве заклікалі грамадзян захоўваць правілы пажарнай бяспекі ў лясах.
На сайце Міністэрства лясной гаспадаркі размешчана інтэрактыўная карта забарон і абмежаванняў на наведванне лясоў. З яе дапамогай можна аператыўна прасачыць, у якіх рэгіёнах часова забаронена наведваць лясы. Карта абнаўляецца ў рэжыме рэальнага часу, таму даныя могуць мяняцца на працягу дня.