Не заўсёды дарослыя ўсведамляюць, што маленькі пасажыр у аўтамабілі — вялікая адказнасць!

Яшчэ большы цяжар адказнасці кладзецца на плечы тых, хто знаходзіцца за рулём аўтамабіля. Дзеці-пасажыры транспартных сродкаў часта перавозяцца з парушэннем правілаў. Бяспека дзяцей — клопат дарослых, па віне якіх адбылася большасць здарэнняў. Нагадваем, што згодна з пунктам 178 Правілаў дарожнага руху, перавозка дзяцей у легкавым аўтамабілі, абсталяваным рамянямі бяспекі, ажыццяўляецца з выкарыстаннем: • дзіцячых утрымліваючых прылад, якія адпавядаюць вазе і росту дзіцяці, — ва ўзросце да пяці гадоў; • дзіцячых утрымліваючых прылад, якія адпавядаюць вазе і росту дзіцяці, іншых сродкаў (бустэраў, спецыяльных падушак для сядзення, дадатковых сядзенняў), якія дазваляюць бяспечна прышпіліць дзіця з дапамогай рамянёў бяспекі, прадугледжаных канструкцыяй транспартнага сродку, — ва ўзросце ад пяці да 12 гадоў.