15 сакавіка 2020 года – Сусветны дзень правоў спажыўцоў

11.3.20200 праглядаў

У мэтах забеспячэння санітарна-эпідэміялагічнага дабрабыту насельніцтва на тэрыторыі Лепельскага раёна, удасканалення сістэмы дзяржаўнага санітарнага нагляду і рэалізацыі паказчыкаў Мэт устойлівага развіцця, дэлегаваных Міністэрству аховы здароўя Рэспублікі Беларусь, прыярытэтным напрамкам дзейнасці ў 2020 годзе, зрэшты, як і ў мінулым 2019 годзе, з'яўляецца абарона спажывецкага рынку ад небяспечных і не якасных прадуктаў харчавання, у тым ліку імпартнай вытворчасці.

Спецыялістамі дзяржаўнай установы «Лепельскі раённы цэнтр гігіены і эпідэміялогіі» праводзіцца сістэмная праца па недапушчэнні на ўнутраны спажывецкі рынак не якаснай і не бяспечнай прадукцыі, выкананні мерапрыемстваў, уключаных у Сістэму мер па кіраванні якасцю ў рэальным сектары эканомікі Віцебскай вобласці на 2020 год.

З мэтай лабараторнага суправаджэння дзяржаўнага санітарнага нагляду за харчовай сыравінай і харчовымі прадуктамі, якія знаходзяцца ў абароце на тэрыторыі раёна, папярэджанні трапляння на ўнутраны рынак не якаснай і не бяспечнай прадукцыі ў Лепельскім раённым ЦГіЭ штогод распрацоўваюцца праграмы лабараторнага суправаджэння дзяржаўнага санітарнага нагляду.

За студзень-люты 2020 года праведзены меры прафілактычнага і папераджальнага характару, прадугледжаныя заканадаўствам аб кантрольнай (нагляднай) дзейнасці - мерапрыемствы тэхнічнага (тэхналагічнага, паверачнага) характару (далей – МТТХ) па вывучэнні і ацэнцы фактараў асяроддзя пражывання і адбору проб (узораў) харчовых прадуктаў у гандлёвых аб'ектах. Абследавана 23 аб'екты, якія ажыццяўляюць абарот харчовых прадуктаў. Парушэнні патрабаванняў санітарна-эпідэміялагічнага заканадаўства выяўлены ў 100 % выпадкаў.

У ходзе МТТХ даследавана 52 пробы харчовых прадуктаў, з іх 17 проб прадуктаў імпартнай вытворчасці (32,7%). Па выніках лабараторных

даследаванняў 4 пробы, у тым ліку 2 пробы імпартнай вытворчасці, не адпавядалі ТНПА.

Найбольшую ўдзельную вагу ад агульнай колькасці выяўленых парушэнняў склалі парушэнні патрабаванняў дзеючага заканадаўства па ўмовах захоўвання (рэалізацыі) прадукцыі – 34,8%. Рэалізацыя прадукцыі з пратэрмінаваным тэрмінам прыдатнасці выяўлена на 8,7 % аб'ектаў, без маркіроўкі або з неадпаведнай інфармацыяй на маркіроўцы звесткам у суправаджальных дакументах – на 4,3%.

Па фактах выяўленых парушэнняў галоўным дзяржаўным санітарным урачом Лепельскага раёна Віцебскай вобласці – галоўным урачом дзяржаўнай установы «Лепельскі раённы цэнтр гігіены і эпідэміялогіі» суб'ектам гаспадарання накіраваны 8 патрабаванняў (прадпісанняў), рэкамендацый аб ліквідацыі парушэнняў. Знята з абарачэння 58,51 кг прадукцыі, з іх 13,45 кг прадукцыі імпартнай вытворчасці. Накіравана 10 інфармацыйных матэрыялаў у зацікаўленыя ведамствы для прыняцця мер рэагавання.

У лік абследаваных аб'ектаў увайшлі 2 гандлёвыя аб'екты па рэалізацыі нехарчовых тавараў (крамы «Востраў Чысціні» ПГУП «ЗахадХімГандль»), у якіх таксама рэалізуюцца харчовыя прадукты. Парушэнні патрабаванняў санітарна-эпідэміялагічнага заканадаўства выяўлены ў 100%. Выяўлены парушэнні патрабаванняў па ўмовах захоўвання і рэалізацыі харчовых прадуктаў у гандлёвых залах (не выдзелены асобныя гандлёвыя зоны для размежавання рэалізацыі і асобныя памяшканні для размежавання захоўвання харчовых прадуктаў і нехарчовых у тавараў, у тым ліку сінтэтычных мыйных сродкаў і іншых тавараў з моцна выяўленым пахам). З адабраных 11 проб харчовых прадуктаў, 1 проба мукі пшанічнай хлебапякарнай вышэйшага гатунку, вытворца ААТ «МАКФА», Расія не адпавядала патрабаванням ТНПА па арганалептычных паказчыках.

Наглядныя мерапрыемствы за суб'ектамі гаспадарання, якія ажыццяўляюць абарот харчовых прадуктаў, у Лепельскім раёне працягваюцца.

Памочнік урача-гігіеніста

дзяржаўнай установы «Лепельскі

раённы цэнтр гігіены і эпідэміялогіі» А.М. Хацкевіч