24 лютага адбылося падагульняючае пасяджэнне калегіі галоўнага ўпраўлення па адукацыі Віцебскага абласнога выканаўчага камітэта, на якім падвялі вынікі работы сістэмы адукацыі вобласці ў 2024 годзе і паставілі задачы на 2025 год.

Традыцыйна лепшыя супрацоўнікі сістэмы адукацыі вобласці атрымалі ўзнагароды. Прыемна адзначыць, што сярод іх і нашы землякі.

Так, за высокія паказчыкі ў развіцці адукацыі па выніках работы за 2024 год Ганаровымі граматамі галоўнага ўпраўлення па адукацыі Віцебскага абласнога выканаўчага камітэта ўзнагароджаны:

аддзел па адукацыі Лепельскага райвыканкама, Заслонаўскі дзіцячы сад Лепельскага раёна, а таксама настаўніца матэматыкі і інфарматыкі Стайскай сярэдняй школы Лепельскага раёна Людміла Кавалеўская.

Сертыфікат на 20000 рублёў выдадзены аддзелу па адукацыі Лепельскага райвыканкама, на 5000 рублёў — Заслонаўскаму дзіцячаму саду.
Віншуем лепельчан з заслужанымі ўзнагародамі і жадаем поспехаў у гэтым годзе!

#НАШАЛЕПШАЕ #НАШЕЛУЧШЕЕ