26 і 27 верасня на базе Рэспубліканскага цэнтра алімпійскай падрыхтоўкі па стралковых відах спорту адбыўся Рэспубліканскі турнір па стральбе з пнеўматычнай зброі сярод работнікаў фізічнай культуры, спорту і турызму, прымеркаваны да Дня народнага адзінства.
Усяго ў турніры прынялі ўдзел 40 каманд з усёй Беларусі, у тым ліку і лепельчане.
У першы спаборніцкі дзень праходзіў турнір па стральбе з пнеўматычнай вінтоўкі. На другі дзень удзельнікі працягнулі барацьбу ў турніры па стральбе з пнеўматычнага пісталета. Абстаноўка была вельмі напружанай, у паветры вітаў дух спаборніцтва. Нягледзячы на ўсе складанасці, нашы землякі годна паказалі сябе на спаборніцтвах.