26 чэрвеня 2020 года Дзяржаўтаінспекцыя праводзіць Адзіны дзень бяспекі дарожнага руху пад дэ

Аўтамабільныя аварыі, якія адбываюцца менавіта па прычыне выезду кіроўцаў на паласу сустрэчнага руху, маюць асабліва цяжкія наступствы. А на загарадных дарогах абгон – самы небяспечны від манеўру. Нават дасведчаныя кіроўцы нярэдка няправільна вызначаюць час, неабходны для абгону, і адлегласць, якую пройдзе аўтамабіль, які абганяе.

Не варта рызыкаваць, ідучы на абгон, калі абмежавана бачнасць, напрыклад з-за дажджу ці туману. Варта памятаць, што пры абгоне або сустрэчным раз'ездзе за транспартным сродкам утвараецца шлейф вадзяной пылі з брудам, якая асядае на лабавым шкле і пагаршае бачнасць, у такіх умовах кіроўцу некалькі секунд даводзіцца рухацца амаль «насуслепу».

Ні ў якім разе нельга здзяйсняць абгон з правага боку па абочыне, нават калі яна вольная ад машын і людзей і добра праглядаецца. Вельмі часта ямы, выбоіны і староннія прадметы становяцца прычынай змены напрамку руху, сутыкнення з аўтамабілем, які абганяецца, і «выцяснення» яго на паласу сустрэчнага руху.

Можна не сумнявацца, што ў той ці іншай ступені правілы выканання абгону вядомыя кожнаму кіроўцу. Аднак прыходзіцца са шкадаваннем прызнаць, што веданне правілаў зусім не заахвочвае значную частку кіроўцаў да іх выканання на практыцы. І гэта – нягледзячы на даволі суровыя санкцыі. Адказнасць за ўказанае парушэнне прадугледжана арт. 18.14 ч. 1 КоАП Рэспублікі Беларусь. Прадугледжана адказнасць у выглядзе штрафу ў памеры ад дзвюх да дзесяці базавых велічынь з пазбаўленнем права кіравання на тэрмін да 12 месяцаў або без пазбаўлення.

Чаму кіроўцы вымушаны абганяць?... З пункту гледжання таго, хто абганяе, абгон у значнай меры носіць вымушаны характар, паколькі паласа, па якой ён рухаецца, занята іншым кіроўцам, а той едзе павольней, чым дазваляюць дарожныя ўмовы. Праяўляючы нецярпенне, кіроўца, які абганяе, часта робіць абгон рызыкоўна. У той час як абгон патрабуе ад кіроўцы высокай адказнасці і майстэрства кіравання аўтамабілем. Выкананне правілаў абгону, якія мы разгледзім ніжэй, як раз і павінна спрыяць забеспячэнню бяспекі ўсіх вольных і нявольных удзельнікаў абгону.

Перад пачаткам абгону кіроўца абавязаны

упэўніцца ў тым, што паласа руху, на якую ён мае намер выехаць, вольная і сваімі дзеяннямі ён не створыць пагрозу бяспецы дарожнага руху, не прымусіць удзельнікаў дарожнага руху змяніць напрамак і (або) знізіць хуткасць руху.

Кіроўцу забараняецца выконваць абгон:

- калі кіроўца транспартнага сродку, які рухаецца наперадзе па той жа паласе руху, падаў сігнал левага павароту;

- калі наступныя за ім кіроўцы пачалі абгон.

Кіроўца абганяемага транспартнага сродку абавязаны з улікам дарожна-транспартнай абстаноўкі рухацца бліжэй да правага краю праезнай часткі дарогі і не перашкаджаць абгону павелічэннем хуткасці руху або іншымі дзеяннямі.

Абгон забараняецца:

- у зоне дзеяння дарожных знакаў "Абгон забаронены", "Абгон грузавым аўтамабілям забаронены", на паваротах дарогі, пазначаных дарожнымі знакамі "Небяспечны паварот", "Небяспечныя павароты", на ўздымах, пазначаных дарожным знакам "Стромкі ўздым", а таксама пры наяўнасці дарожнай разметкі 1.1 (за выключэннем абгону адзіночнага транспартнага сродку, які рухаецца са скорасцю менш за 30 км/ч), у канцы уздымаў і на іншых участках дарог з абмежаванай агляднасцю дарогі;

- на пазначаных і (або) рэгулюемых перакрыжаваннях;

- на пешаходных пераходах і бліжэй за 50 метраў ад іх у абодва бакі;

- транспартнага сродку, які здзяйсняе абгон або аб'езд перашкоды;

- пры недастатковай бачнасці дарогі;

- на мастах, пуцеправодах, эстакадах і пад імі;

- на чыгуначных пераездах і бліжэй чым за 100 метраў перад імі.

Для папярэджання ДТЗ у выніку выезду на паласу сустрэчнага руху, 26 чэрвеня 2020 года Дзяржаўтаінспекцыя праводзіць Адзіны дзень бяспекі дарожнага руху пад дэвізам «Абгон павінен быць бяспечным!».