30 верасня, Мінск /Аліна Грышкевіч - БЕЛТА/. Аграрная галіна становіцца адным з найважнейшых крыніц папаўнення валютных рэсурсаў краіны. Пра гэта заявіў Прэзідэнт Беларусі Аляксандр Лукашэнка, выступаючы сёння на рэспубліканскім фестывалі-кірмашы працаўнікоў вёскі "Дажынкі-2011", паведамляе карэспандэнт БЕЛТА. Кіраўнік дзяржавы падкрэсліў: "Яшчэ памятныя тыя часы, калі нам даводзілася закупляць за мяжой вялікія аб'ёмы збожжа і іншай харчовай прадукцыі. А сёлета наш экспарт павінен скласці $4 млрд. Аграрная галіна становіцца адным з найважнейшых крыніц папаўнення валютных рэсурсаў краіны, якіх у нас так не хапае цяпер". Прэзідэнт падкрэсліў, што ў Беларусі адпрацаваны механізм нарошчвання вытворчасці сельскагаспадарчай прадукцыі, што дазволіла за апошнія гады на 53% павялічыць яе аб'ёмы. Па большасці яе відаў у разліку на душу насельніцтва краіна стабільна займае першае месца ў СНД. Аляксандр Лукашэнка звярнуў увагу на тое, як пераўтварылася беларуская вёска пасля стварэння амаль паўтары тысячы аграгарадкоў. У іх сацыяльны пакет мала чым адрозніваецца ад гарадскога. За пяцігоддзе больш за 80 тыс. сельскіх сем'яў справілі наваселле. Такім чынам, сродкі ў вёску ўкладзены не дарма. Назіраецца станоўчы эфект і ў харчовай, і ў сацыяльнай сферы.-0-

БЕЛТА