Айцішнікі-энтузіясты правядуць у Віцебску 7 красавіка прафарыентацыйную канферэнцыю ProIT для школьнікаў і студэнтаў, а таксама іх бацькоў. Пра гэта карэспандэнту БЕЛТА паведаміла менеджэр Рэгіянальнага рэсурснага цэнтра па развіцці дадатковай адукацыі дарослых у Віцебску Яўгенія Пачэпка.
Айцішнікі-энтузіясты правядуць у Віцебску 7 красавіка прафарыентацыйную канферэнцыю ProIT для школьнікаў і студэнтаў, а таксама іх бацькоў. Пра гэта карэспандэнту БЕЛТА паведаміла менеджэр Рэгіянальнага рэсурснага цэнтра па развіцці дадатковай адукацыі дарослых у Віцебску Яўгенія Пачэпка.
Асацыяцыя "Адукацыя для будучыні", кампанія ЕРАМ і факультэт матэматыкі і інфармацыйных тэхналогій Віцебскага дзяржаўнага ўніверсітэта імя П. Машэрава прадэманструюць магчымасці, якія адкрываюцца пры атрыманні IT-спецыяльнасцей і працы ў IT-сферы.
"Сучасныя дзеці і падлеткі часам разбіраюцца ў софце лепш, чым іх бацькі. На жаль, часта зацікаўленасць школьнікаў камп'ютарамі і смартфонамі становіцца яблыкам разладу і крыніцай канфлікту бацькоў і дзяцей. Але ён будзе напэўна вычарпаны, калі энергію дзяцей накіраваць у патрэбнае рэчышча, калі іх інтарэсы аформяцца ў цалкам рэальныя мэты. На канферэнцыі бацькам растлумачаць, чаму вобласць IT як варыянт будучыні іх дзіцяці варты адобрэння", - растлумачыла Яўгенія Пачэпка.
IT - сфера для крэатыўных і вынаходлівых, адзначыла менеджэр. У ёй могуць знайсці сваё месца не толькі людзі матэматычнага складу розуму, але і з мастацкімі схільнасцямі. Таксама прыцягваюць годная заработная плата і магчымасць рэалізоўваць уласныя навыкі і таленты ў роднай краіне. Нарэшце, з кожным годам расце колькасць кампаній-рэзідэнтаў Парка высокіх тэхналогій - цэнтра, які не саступае еўрапейскім аналагам у галіне распрацовак штучнага інтэлекту і машыннага навучання.
Гэтыя і іншыя аргументы прагучаць на канферэнцыі, якая ўключае два фарматы мерапрыемстваў: лекцыі, на якіх IT-спецыялісты падзеляцца з дзецьмі самай свежай і дакладнай інфармацыяй аб IT-прафесіях, а таксама майстар-класы для будучых праграмістаў, канструктараў робатаў, тэсціроўшчыкаў, 3D-мадэлераў.
Удзел у канферэнцыі бясплатны.