Выхаванне дзяцей – працэс вельмі цяжкі і адказны, кожны бацька гэта разумее і ўсведамляе, але на некаторыя моманты выхавання часта ў паўсядзённым жыцці дарослыя заплюшчваюць вочы і ставяцца недастаткова сур'ёзна, робяць паблажкі свайму дзіцяці і ўладкоўваюць адпачынак сабе.
Выхаванне дзяцей – працэс вельмі цяжкі і адказны, кожны бацька гэта разумее і ўсведамляе, але на некаторыя моманты выхавання часта ў паўсядзённым жыцці дарослыя заплюшчваюць вочы і ставяцца недастаткова сур'ёзна, робяць паблажкі свайму дзіцяці і ўладкоўваюць адпачынак сабе.
З мэтай прыцягнення ўвагі дарослых да праблемы траўматызму і гібелі дзяцей ад пажараў з прычыны пакідання іх без нагляду з 19 жніўня па 13 верасня ў Лепельскім раёне ў два этапы пройдзе прафілактычная акцыя «У цэнтры ўвагі – дзеці!».
Так, з 19 па 30 жніўня ў гандлёвых цэнтрах і іншых аб'ектах гандлю, якія спецыялізуюцца на рэалізацыі тавараў для дзяцей дашкольнага і школьнага ўзросту, работнікі МНС разам нагадаюць бацькам аб небяспецы пакідання дзяцей без нагляду і падскажуць, як уберагчы сваю сям'ю ад надзвычайных сітуацый.
Пляцоўкамі другога этапу акцыі, які працягнецца з 2 па 13 верасня, стануць адукацыйныя установы. У школах ратавальнікі правядуць «Урокі бяспекі» з вучнямі малодшых класаў, з настаўнікамі будуць праведзены інструктажы па пажарнай бяспецы, а з бацькамі – прафілактычныя гутаркі з праглядам тэматычных відэафільмаў.
Паважаныя бацькі: вучыце дзіця правілам бяспечных паводзін кожны дзень. Выкарыстоўвайце для гэтага нестандартныя метады: гуляйце з ім, паказвайце пазнавальныя мультфільмы і ролікі, прыводзьце прыклады з казак.
І, вядома, самі будзьце прыкладам для дзяцей: калі вы заўсёды будзеце выключаць электрапрыборы, сыходзячы з дома, то і дзіця будзе рабіць так жа. Дзеці ідуць не за парадамі, а за ўчынкамі, таму выконвайце правілы бяспекі разам! Калі гаворка ідзе пра маленькіх дзяцей, тут парада адна – не пакідайце іх без нагляду нават на некалькі хвілін.
