Значэнне горада беларускіх нафтавікоў для краіны разумеюць не толькі яго жыхары ад малога да вялікага, але і прадстаўнікі ўсіх галін улады. Прамысловы цэнтр, дзе працуе адзін з вядучых флагманаў нафтахімічнай галіны Беларусі, уносіць важкі ўклад у эканоміку як Віцебскай вобласці, так і ўсёй дзяржавы. Старшыня Віцебскага аблвыканкама Аляксандр Субоцін, звяртаючыся на святочнай цырымоніі да наваполачан, адзначыў, што ў гэтым горадзе ўмеюць дасягаць многага, увасабляць самыя смелыя ідэі, і гэтаму прыкладу трэба прытрымлівацца ўсім буйным і малым гарадам вобласці. "Гэты горад - наватар, працаўнік, натхняльнік. Вы актыўна мадэрнізуеце прадпрыемствы, праводзіце тэхпераўзбраенне, укараняеце кластарныя ініцыятывы, асвойваеце новыя віды прадукцыі, пашыраеце рынкі збыту, лечыце, вучыце, будуеце новыя мікрараёны. У вас атрымліваецца ўсё і заўсёды. Менавіта тут упершыню пабудавалі велізарны нафтаперапрацоўчы завод, з'явілася самая лепшая школа па нафтахіміі і перапрацоўцы нафтапрадуктаў. Хацелася б пажадаць, каб у Наваполацку словы "упершыню" і "лепшы" гучалі часцей і былі неадрыўна звязаны з гэтым горадам", - пажадаў кіраўнік вобласці віноўнікам урачыстасці.
Крыніца: vitebsk-region.gov.by