З 1 ліпеня 2025 г. суб'екты гаспадарання пры рэалізацыі тавараў, якія падлягаюць маркіроўцы сродкамі ідэнтыфікацыі, абавязаны выкарыстоўваць касавыя апараты або праграмныя касы, што забяспечваюць:
зчытванне кода маркіроўкі, нанесенага на кожную адзінку
тавару, які падлягае маркіроўцы; дыферэнцыраваны ўлік даных аб рэалізуемых таварах,
якія падлягаюць маркіроўцы; перадачу інфармацыі аб кодзе маркіроўкі ў сістэму кантролю
касавага абсталявання.
Зчытванне кода маркіроўкі можа забяспечвацца з выкарыстаннем сканера штрыхкода.
Пералік сканераў штрыхкода для працы з маркіроўкай размешчаны на сайце аператара дзяржаўнай інфармацыйнай сістэмы маркіроўкі тавараў уніфікаванымі кантрольнымі знакамі або сродкамі ідэнтыфікацыі РУП «Выдавецтва „Белбланкавыд“» https://datamark.by/nastrojka-skanera/.
Пры ўзнікненні пытанняў па працы сканера штрыхкода неабходна паслядоўна выканаць наступны алгарытм дзеянняў:
1) звярнуцца да пастаўшчыка абсталявання з апісаннем праблемы ў працы сканера (фота, відэа, апісанне праблемы, прыклады кодаў маркіроўкі);
2) звярнуцца да аператара праграмнай касавай сістэмы, рашэнне якой ён выкарыстоўвае (фота, відэа, апісанне праблемы, прыклады кодаў маркіроўкі).
У выпадку, калі суб'екту гаспадарання сумесна з пастаўшчыком сканера штрыхкода і аператарам праграмнай касавай сістэмы не ўдалося вырашыць праблему працы сканера штрыхкода, то рэкамендуецца звярнуцца ў групу ў мэсэнджары Telegram, створаную аператарам праграмных касавых сістэм ТАА «ЦЭНТР ПРАГРАМНЫХ
ІНАВАЦЫЙ» (спасылка https://t.me/+lGesgp-FhhRjNDNi).
Даведачна. ТАА «Цэнтр праграмных інавацый» - аператар праграмных касавых сістэм гатова на сваёй пляцоўцы бязвыплатна кансультаваць суб'ектаў гаспадарання, якія набылі сканеры для зчытвання кодаў маркіроўкі, а таксама тэсціраваць такія сканеры пры ўзнікненні праблемных пытанняў.
Дадзеная група створана для аператыўнага вырашэння пытанняў па падключэнні і працы сканераў штрыхкода ўсіх тыпаў і аказання кансультацый суб'ектам гаспадарання па супутніх пытаннях.
Пры звароце ў дадзеную групу неабходна напісаць інфармацыйнае паведамленне з апісаннем праблемы ў працы сканера (фота, відэа, апісанне праблемы, прыклады кодаў маркіроўкі, і вашымі рэквізітамі і кантактнымі данымі). Спецыялісты, якія прысутнічаюць у групе, дапамогуць суб'екту гаспадарання альбо перанакіруюць да кантакту, які зможа дапамагчы.