А. Лукашэнка чакае цягам месяца прапаноў па інвестыцыях у Аршанскі авіярамонтны завод

Па словах кіраўніка дзяржавы, вялікую ролю ў мадэрнізацыі прадпрыемства павінны адыграць не толькі дырэктар гэтага завода, але і кіраўнікі аблвыканкама і райвыканкама. Аляксандр Лукашэнка даручыў ім уключыцца ў працу "на ўсю моц" і пачаць мерапрыемствы па вывядзенні завода на эфектыўную працу. Пры гэтым, па словах кіраўніка дзяржавы, у перспектыве ўсе памяшканні завода, усе будынкі павінны быць задзейнічаны. "Калі будзе інвестар, значыць, яшчэ і ён да гэтага падключыцца. Не будзе - значыць, будзеце самі ўсё рабіць", - адзначыў Аляксандр Лукашэнка. Асаблівае значэнне Прэзідэнт надаў таксама пытанню развіцця сацыяльнай сферы г.п.Болбасава, дзе і размяшчаецца Аршанскі авіярамонтны завод. ААТ "Аршанскі авіярамонтны завод" з'яўляецца вядучым прадпрыемствам у Беларусі па выкананні капітальнага рамонту розных мадыфікацый верталётаў Мі-8 (Мі-17), Мі-24, а таксама агрэгатаў рознай авіяцыйнай тэхнікі. Кіраўнік дзяржавы лічыць, што ў перспектыве завод павінен ажыццяўляць рамонт і самалётаў, а таксама пераходзіць на больш сучасныя мадыфікацыі тэхнікі. "Мы павінны рамантаваць у перспектыве верталёты і самалёты. Тэхніка, якая зараз тут, - гэта тэхніка мінулага часу", - сказаў ён. Акрамя гэтага, Прэзідэнту было даложана аб планах па стварэнні на базе ААТ "Аршанскі авіярамонтны завод" міжнароднага мультымадальнага лагістычнага цэнтра "Орша" у рамках супрацоўніцтва завода з ганконгскай кампаніяй СВТ Development (Logistics) Limited. Плануемая плошча цэнтра - 1 млн.кв.м. Чаканыя інвестыцыі ў яго на першым этапе складуць каля $30 млн. На тэрыторыі лагістычнага цэнтра будуць размешчаны складскія памяшканні, абсталяваныя для выканання разгрузачна-пагрузачных работ, пляцоўкі для захоўвання грузаў, бізнес-цэнтр, кафэ, гасцініца. Доля ўкладанняў Аршанскага авіярамонтнага завода разглядаецца ў памеры 25%, астатнія 75% - сродкі ганконгскага інвестара.Рэалізацыя праекта дазволіць эфектыўна выкарыстоўваць інфраструктуру паветранага транспарту і тэрытарыяльную блізкасць да міжнародных транспартных калідораў, якія праходзяць праз тэрыторыю рэспублікі. Прадугледжваецца, што рэалізацыя праекта дазволіць часткова разгрузіць маскоўскі аэрапорт Дамадзедава. Адлегласць ад завода да мяжы Расіі - каля 50 км. Блізкае размяшчэнне прадпрыемства да буйнога чыгуначнага вузла Орша і міжнародных аўтамабільных трас Масква-Брэст і Санкт-Пецярбург-Адэса дазваляе дастаўляць авіяцыйную тэхніку, якая мае патрэбу ў рамонце, не толькі паветраным шляхам, але і чыгуначным і аўтамабільным транспартам. -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- -- --У пасёлку плануецца пабудаваць цэх па разліве мінеральнай і пітной вады, кандытарскую фабрыку. Прэсная пітная вада складае толькі 3% водных рэсурсаў планеты. Пры гэтым доля лёгкадаступнай прэснай вады - не больш за 2%. У цяперашні час ужо выкарыстана прыкладна 54% усяго даступнага сцёку паверхневых вод. Беларусь мае вялікія перспектывы ў развіцці вытворчасці чыстай пітной вады. Такія разведаныя запасы пітной і мінеральнай вады маюцца і ў раёне пасёлка Хімы. Плануецца, што магутнасць цэха па яе здабычы і разліве складзе 0,44 млн. гекталітраў у год. Кошт інвестыцыйнага праекта ацэньваецца амаль у Br50 млрд. Тут жа плануецца пабудаваць і фабрыку па выпуску кандытарскіх вырабаў, у асноўным бісквітных рулетаў. Штогадовы аб'ём вытворчасці прадугледжваецца ў памеры 2,7 тыс.т. Гэта дазволіць у поўнай меры задаволіць патрэбнасць беларускіх пакупнікоў у гэтай прадукцыі, замясціўшы імпартныя аналагі. Кошт інвестпраекта складзе Br40,5 млрд. Чакаецца, што праект цалкам акупіцца праз 5 гадоў. Як адзначыў старшыня Віцебскага аблвыканкама Аляксандр Косінец, завод будзе ўзведзены ўжо да новага года. Акрамя таго, у пасёлку будуць пабудаваны жылыя дамы, крама, фельчарска-акушэрскі пункт і пункт бытавога абслугоўвання, кафэ, дзіцячы сад. Аляксандр Лукашэнка адобрыў прадстаўленыя яму праекты, але пры гэтым падкрэсліў, што ні ў якім разе нельга гэту вёску ператвараць у горад. "Давайце дамовімся, што горад будаваць тут не будзем. Навошта гэта нам тут трэба? Гэту вёску трэба адрадзіць, як Александрыю, - сказаў Прэзідэнт. - Тут трэба адрадзіць вёску, і кропка. Падцягнуць сюды вытворчасці, маладых людзей. Аднак каб не было ніякіх лішкаў у будаўніцтве". Пры гэтым кіраўнік дзяржавы лічыць, што спяшацца не варта: аб'екты трэба ўзводзіць па меры іх неабходнасці. "Ні ў якім разе каб нічога не рабілася штучна", - сказаў ён. У той жа час Прэзідэнт падкрэсліў сваё нязменнае патрабаванне, каб ні адзін з аб'ектаў не быў пабудаваны на апрацаваных землях. "Катэгарычна забараняю вылазіць на раллю: ні фермы, ні заводы - нічога", - адзначыў ён. У вёсцы плануецца пабудаваць і 10 аграэкасядзіб. Па словах Прэзідэнта, калі знойдуцца жадаючыя займацца развіццём гэтага напрамку турызму, будзе толькі карысць усім. Аднак гэта павінна быць па ініцыятыве прыватніка, не закранаючы бюджэтныя сродкі.Недалёка ад населенага пункта Хімы плануецца таксама пабудаваць бройлерную птушкафабрыку па вытворчасці мяса качкі. Ужо вядуцца перамовы з замежнымі інвестарамі, гатовымі прыняць удзел у гэтым праекце. Акупнасць фермы складзе 5 гадоў. Гэты від прадукцыі запатрабаваны як у Беларусі, дзе пакуль невялікія аб'ёмы вытворчасці мяса качкі, так і ў Расіі, куды гэтая прадукцыя пойдзе на экспарт. Качыная птушкафабрыка стане вытворчай пляцоўкай, на якой будуць працаваць і жыхары бліжэйшай вёскі Ліпкі. Дзякуючы гэтаму аб'екту населены пункт атрымае развіццё. Першапачаткова планавалася размясціць птушкафабрыку ў Хімах, аднак кіраўнік дзяржавы прапанаваў задзейнічаць і працоўныя рэсурсы суседняя вёскі Ліпкі. Праект адраджэння вёскі Хімы па-свойму ўнікальны, паколькі раней нічога падобнага ў краіне не рабілася. І таму вопыт рэалізацыі гэтай задумкі можа апынуцца вельмі запатрабаваны. Кіраўнік дзяржавы, падсумоўваючы ўбачанае, сказаў: "Мы паўсюль павінны так рабіць. Тут людзі жылі стагоддзямі, хай жывуць. Трэба стварыць вытворчую базу. А астатняе: прыйдзе час - будзем развіваць". Заўтра Прэзідэнт працягне рабочую паездку па рэгіёнах краіны і наведае Магілёўскую вобласць. У цэнтры ўвагі кіраўніка дзяржавы будуць знаходзіцца пытанні развіцця сельскай гаспадаркі, у прыватнасці жывёлагадоўлі і ўкаранення новых тэхналогій захоўвання сельгаспрадукцыі.-0-

БЕЛТА