25 верасня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка прапануе вывесці супрацоўніцтва Беларусі са Сбербанкам Расіі на новую прыступку. Аб гэтым Аляксандр Лукашэнка заявіў сёння, сустракаючыся са старшынёй праўлення Сбербанка Расіі Германам Грэфам, перадае карэспандэнт БЕЛТА. "Мы з вамі дамаўляліся, што праз пэўны прамежак часу сустрэнемся і разам прапануем нейкія новыя варыянты супрацоўніцтва, каб выйсці на больш высокую прыступку гэтага супрацоўніцтва", - сказаў кіраўнік беларускай дзяржавы. Прэзідэнт Беларусі падкрэсліў, што гатовы ўдзельнічаць у абмеркаванні гэтых прапаноў. "Калі яны прымальныя для нас, то мы з задавальненнем пойдзем насустрач такому гіганту, як Сбербанк Расіі", - сказаў ён. Аляксандр Лукашэнка таксама адзначыў той факт, што месцам правядзення форуму сваіх даччыных прадпрыемстваў Сбербанк выбраў менавіта Беларусь. "Нам прыемна гэта. Гэта ў пэўнай ступені давер да нашай краіны", - сказаў кіраўнік дзяржавы. У сваю чаргу Герман Грэф выказаў удзячнасць беларускаму боку за актыўнае супрацоўніцтва на працягу апошніх гадоў. "Тыя планы, якія мы намячалі да канца 2014 года і якія зафіксаваны ў інвестыцыйным пагадненні паміж намі і ўрадам Беларусі, практычна ўвесь аб'ём абавязацельстваў будзе выкананы да канца бягучага года - за два гады да заканчэння таго тэрміну, пра які мы дамаўляліся", - адзначыў старшыня праўлення Сбербанка.-0-

БЕЛТА