8 лістапада, Мінск /Кар. БЕЛТА/. Прэзідэнт Рэспублікі Беларусь 8 лістапада разгледзеў кадравыя пытанні. Аб гэтым карэспандэнту БЕЛТА паведамілі ў прэс-службе беларускага лідара. Кіраўнік дзяржавы прызначыў: Кобякава Андрэя Уладзіміравіча – Надзвычайным і Паўнамоцным Паслом Рэспублікі Беларусь у Расійскай Федэрацыі, пастаянным прадстаўніком Рэспублікі Беларусь пры Еўразійскім эканамічным саюзе па сумяшчальніцтве; Лапату-Загорскага Уладзіміра Мікалаевіча – Надзвычайным і Паўнамоцным Паслом Рэспублікі Беларусь у Рэспубліцы Інданезія; Малчана Андрэя Леанідавіча – Надзвычайным і Паўнамоцным Паслом Рэспублікі Беларусь у Паўднёва-Афрыканскай Рэспубліцы; Рахманава Сяргея Кімавіча – Надзвычайным і Паўнамоцным Паслом Рэспублікі Беларусь у Японіі; Сямешку Аляксандра Віктаравіча – Надзвычайным і Паўнамоцным Паслом Рэспублікі Беларусь у Каралеўстве Бахрэйн па сумяшчальніцтве. Прэзідэнт таксама даў згоду на прызначэнне: Невыгласа Генадзя Мікалаевіча – намеснікам генеральнага сакратара Арганізацыі Дагавора аб калектыўнай бяспецы; Шагуна Анатоля Васільевіча – намеснікам міністра жыллёва-камунальнай гаспадаркі; Уцюпіна Паўла Уладзіміравіча – намеснікам міністра прамысловасці; Ермаловіча Максіма Леанідавіча – намеснікам міністра фінансаў; Куранога Уладзіміра Пятровіча – старшынёй Шумілінскага райвыканкама; Панфілава Юрыя Анатольевіча – кіраўніком адміністрацыі Чыгуначнага раёна г.Віцебска; Дымшы Юрыя Аляксеевіча – старшынёй Глускага райвыканкама; Карлюкевіча Аляксандра Мікалаевіча – галоўным рэдактарам установы "Рэдакцыя газеты "Звязда"; Бурскага Вячаслава Аляксандравіча – генеральным дырэктарам адкрытага акцыянернага таварыства "Мінскі механічны завод імя С.І.Вавілава" – кіруючая кампанія холдынгу "БелОМА"; Капскага Анатоля Анатольевіча – генеральным дырэктарам адкрытага акцыянернага таварыства "Барысаўскі завод аўтатрактарнага электраабсталявання" – кіруючая кампанія холдынгу "Аўтакампаненты".-0-

БЕЛТА