А. Лукашэнка зацвердзіў Рашэнне на правядзенне дзяржаўнай пагранічнай палітыкі і забеспячэнне пагранічнай бяспекі ў 2012 годзе

28 лютага, Мінск /Уладзімір Мацвееў - БЕЛТА/. Кіраўнік дзяржавы Аляксандр Лукашэнка зацвердзіў Рашэнне на правядзенне дзяржаўнай пагранічнай палітыкі і забеспячэнне пагранічнай бяспекі Рэспублікі Беларусь у 2012 годзе, перадае карэспандэнт БЕЛТА. Адкрываючы нараду па гэтым пытанні, у якой прынялі ўдзел кіраўнікі сілавых ведамстваў краіны, Прэзідэнт адзначыў, што мерапрыемствы не выпадкова праводзяцца ў такім складзе. "Гэта выклікана, па-першае, асаблівым значэннем забеспячэння пагранічнай бяспекі ў сучасных умовах. Па-другое, неабходнасцю эфектыўнай каардынацыі работы розных ведамстваў па выкананні гэтай задачы. І, па-трэцяе, патрабаваннямі па паляпшэнні якасці дзейнасці самога Дзяржаўнага пагранічнага камітэта", - сказаў кіраўнік дзяржавы. Па даручэнні Аляксандра Лукашэнкі Дзяржаўны сакратарыят Савета Бяспекі вывучыў асобныя напрамкі аператыўна-службовай дзейнасці і працэсы, якія адбываюцца ў пагранічным ведамстве. "Вынікі работы мне даложаны. Прама скажу, не ўсё, што адбываецца ў органах пагранічнай службы, адпавядае ўзрастаючым патрабаванням сучаснасці. Характар існуючых недахопаў паказвае на тое, што недастаткова глыбока ацэньваецца аператыўная абстаноўка, якая складваецца, і, як следства, не зусім правільна вызначаюцца асноўныя задачы маючай адбыцца дзейнасці", - сказаў Прэзідэнт. Аляксандр Лукашэнка папрасіў кіраўніка беларускага пагранічнага ведамства Ігара Рачкоўскага далажыць аб тым, якія выклікі і пагрозы на мяжы ўяўляюць найбольшую небяспеку для дзяржавы і што прадугледжваецца для іх нейтралізацыі і папярэджання. "У сваю чаргу прысутныя на нарадзе кіраўнікі сілавых структур павінны ацаніць, наколькі абгрунтавана вызначаны пагрозы ў дадзенай сферы, а таксама канкрэтызаваць ступень свайго ўдзелу ў ахове дзяржмяжы", - адзначыў Прэзідэнт. Ён таксама дадаў, што хацеў бы пачуць ад дакладчыка аб тым, як плануецца палепшыць каардынацыю дзеянняў па забеспячэнні пагранічнай бяспекі, якія практычныя крокі будуць прадпрынятыя па павышэнні эфектыўнасці аховы дзяржмяжы, і якія ў гэтай дзейнасці маюцца праблемы і нявырашаныя пытанні.

"Прашу не забываць, што памежнае ведамства - гэта не проста сілавая структура. Гэта структура, якая знаходзіцца па перыметры таго кавалачка зямлі, суверэнітэт якога мы абавязаны забяспечыць. Наколькі нашыя вайскоўцы гатовыя выканаць гэтую задачу?" - паставіў пытанне Аляксандр Лукашэнка. Кіраўнік дзяржавы падкрэсліў, што чакае ад усіх удзельнікаў нарады аб'ектыўных ацэнак сітуацыі і канкрэтных прапаноў па ўдасканаленні ўсяго комплексу мер у сферы памежнай бяспекі дзяржавы. Як далажыў Ігар Рачкоўскі, у цэлым у 2011 годзе органы памежнай бяспекі Беларусі выканалі пастаўленыя задачы. У якасці адной з ключавых асаблівасцей у дзейнасці па забеспячэнні нацыянальнай бяспекі дзяржавы ў 2011 годзе ён назваў удзел органаў памежнай службы ў межах іх кампетэнцыі ў выкананні мэтавых задач па недапушчэнні дэстабілізацыі абстаноўкі ў краіне пад уздзеяннем знешніх і ўнутраных дэструктыўных сіл. У 2011 годзе Дзяржпагранкамітэт працягнуў практычную рэалізацыю комплексу мерапрыемстваў, накіраваных на забеспячэнне памежнай бяспекі ў адпаведнасці з патрабаваннямі заканадаўства. Па выніках года зафіксаваны рост міграцыйнай актыўнасці грамадзян шэрагу краін - на 40,6% узрасла колькасць парушэнняў мяжы (з 564 да 793). На Прыбалтыйскім напрамку затрымана 42,4% ад агульнай колькасці парушальнікаў мяжы. Акрамя таго, затрыманы 20 арганізатараў і пасобнікаў незаконнай транзітнай міграцыі, спынена дзейнасць сямі каналаў, выяўлена і распрацоўваецца каля 20 магчымых каналаў незаконнай міграцыі. Атрымала далейшае развіццё праца добраахвотных дружын, з удзелам якіх затрыманы 876 парушальнікаў памежнага заканадаўства. У межах абароны эканамічных інтарэсаў дзяржавы на мяжы органамі памежнай службы сумесна з узаемадзейнымі затрымана таварна-матэрыяльных каштоўнасцей на суму звыш Br79 млрд., што на 93% больш, чым у 2010 годзе. На ўкраінскім і літоўскім напрамках, найбольш актыўных у гэтым дачыненні, затрымана адпаведна 32,8% і 26% таварна-матэрыяльных каштоўнасцей.

Органы пагранічнай службы таксама працягнулі эфектыўна змагацца з кантрабандай наркатычных сродкаў і псіхатропных рэчываў, незаконным абаротам зброі і боепрыпасаў, іншымі супрацьпраўнымі праявамі. Прынятыя меры па ўдасканаленні аховы "зялёнай" мяжы дазволілі на 13,8% скараціць агульную колькасць парушэнняў пагранічнага заканадаўства. Пры гэтым больш чым у два разы ўзрасла колькасць выдадзеных пропускаў у пагранічную зону замежным грамадзянам.

Захавалася агульная тэндэнцыя да росту ў 2011 годзе пасажырскага - на 2,3% і транспартнага патокаў - на 0,7%. -0-

БЕЛТА