Анжаліка Нікіціна, намеснік старшыні аблвыканкама:
– Уступная кампанія праходзіць спакойна, на высокім узроўні, кожны абітурыент ведае яе правілы. Прыёмная камісія працуе зладжана. І натуральна, важна, каб для ўсіх дзяцей былі роўныя ўмовы, каб не было парушэнняў ні з боку выкладчыкаў, ні з боку тых, хто паступае. А мы са свайго боку будзем адсочваць, каб гэта ўсё праходзіла на годным узроўні, каб ніхто не застаўся пакрыўджаным. Юнакі і дзяўчаты, вядома, хвалююцца. Але, думаю, ва ўсіх усё будзе добра і кожны знойдзе сваё месца ў жыцці. Усё, што робіцца па арганізацыі ўступнай кампаніі з боку дзяржавы, робіцца для нашай будучыні.