21 студзеня, Віцебск /Вольга Багачова - БЕЛТА/. У Віцебскай вобласці аптэкі РУП "Белфармацыя" перайшлі на падаўжаны рэжым працы, паведаміла карэспандэнту БЕЛТА намеснік генеральнага дырэктара гандлёва-вытворчага рэспубліканскага ўнітарнага прадпрыемства "Фармацыя" Ірына Дружыніна.
У адпаведнасці з прапановай Мінздава Беларусі і ў сувязі з пачаткам сезоннага росту захворвання на грып і вострыя рэспіраторныя інфекцыі аптэкі РУП "Белфармацыя" падоўжылі рэжым працы да 22.00. Аптэкі, размешчаныя ў амбулаторна-паліклінічных установах, будуць працаваць па графіку працы гэтых устаноў. У такім рэжыме яны адпрацуюць увесь перыяд росту захворвання, пачатак якога чакаецца ў другой палове студзеня - пачатку лютага.
Вычарпальныя меры прыняты па бесперабойным забеспячэнні аптэк сродкамі для прафілактыкі і лячэння рэспіраторных інфекцый, у першую чаргу айчыннай вытворчасці, адзначыла Ірына Дружыніна. Таксама арганізаваны маніторынг наяўнасці лекаў, а ў перыяд эпідэміі па вызначаным пераліку прэпаратаў ён будзе ажыццяўляцца штодня, што дазволіць цалкам задаволіць попыт насельніцтва на лекі.
У Віцебскай вобласці размешчана 272 аптэкі РУП "Белфармацыя", у тым ліку 55 - у абласным цэнтры.
Па словах галоўнага ўрача Віцебскага абласнога цэнтра гігіены, эпідэміялогіі і грамадскага здароўя Уладзіміра Сінкевіча, у цяперашні час у рэгіёне адзначаецца сезонны рост захворвання. Разам з тым яго ўзровень знаходзіцца ніжэй за крытэр эпідэмічнага парога, інтэнсіўнасць эпідпрацэсу нізкая. У этыялагічнай структуры ВРІ пераважаюць рэспіраторна