Беларусь і Расія плануюць падпісаць міжурадавае пагадненне па забеспячэнні транспартнай бяспекі. Пра гэта ішла размова на VIII Усерасійскай канферэнцыі "Транспартная бяспека і тэхналогіі процідзеяння тэрарызму" у Казані, паведамілі БЕЛТА ў Міністэрстве транспарту і камунікацый Беларусі.
Як адзначыў на канферэнцыі дырэктар Дэпартамента транспартнай бяспекі і спецыяльных праграм Минтранса Расіі Анатоль Дзям'янаў, Расія і Беларусь маюць значны і перадавы досвед у забеспячэнні транспартнай бяспекі і абароны транспартных аб'ектаў ад актаў незаконнага ўмяшання. "У Саюзнай дзяржаве неабходна паслядоўна сінхранізаваць нашы падыходы, улічваючы лепшыя дасягненні нашых дзяржаў", - лічыць ён.
Начальнік упраўлення навукова-тэхнічнай палітыкі і інфарматызацыі Минтранса Беларусі Юрый Дубіна ўдакладніў, што па выніках кансультацый з расійскімі калегамі плануецца выйсці на падпісанне міжурадавага пагаднення, якое рэгулюе ўзаемадзеянне бакоў па забеспячэнні транспартнай бяспекі, на працягу паўгода.
VIII Усерасійская канферэнцыя "Транспартная бяспека і тэхналогіі процідзеяння тэрарызму" праходзіць у Казані 11-13 верасня. У ёй прымаюць удзел каля 500 дэлегатаў з Расіі і краін СНД.