9 студзеня, Мінск /Вера Сяргеева - БЕЛТА/. Праект "Стварэнне адзінай сістэмы падтрымкі прадпрымальніцтва і ўстанаўленне дзелавых кантактаў для ўстойлівага трансгранічнага супрацоўніцтва Латвіі, Літвы і Беларусі" зацверджаны пастановай Савета Міністраў Беларусі ад 30 снежня 2013 года №1167 "Аб зацвярджэнні праектаў міжнароднай тэхнічнай дапамогі", апублікаванай на Нацыянальным прававым партале, паведамляе карэспандэнт БЕЛТА.
Як адзначыла начальнік упраўлення знешнеэканамічнай дзейнасці камітэта эканомікі Мінгарвыканкама Аляксандра Велічка, праект будзе рэалізоўвацца па лініі Праграмы трансгранічнага супрацоўніцтва ЕС "Латвія-Літва-Беларусь". Плануемы тэрмін яго рэалізацыі складае 16 месяцаў. З беларускага боку партнёрам па праекце выступае Беларуская промтывагандлёвая палата. Каардынацыю і кантроль за рэалізацыяй праекта забяспечвае Мінгарвыканкам.
Праект накіраваны на ўстанаўленне доўгатэрміновага супрацоўніцтва паміж прадпрымальнікамі трансгранічнай тэрыторыі Латвія-Літва-Беларусь праз эфектыўнае выкарыстанне інавацый. Ён прадугледжвае стварэнне цэнтраў падтрымкі і інфармавання прадпрымальнікаў, адзінай віртуальнай платформы, правядзенне форумаў і семінараў.
Аляксандра Велічка падкрэсліла, што аб магчымасцях супрацоўніцтва ў сферы бізнесу Літвы, Латвіі, Беларусі ў цяперашні час няма дастатковага аб'ёму інфармацыі, у тым ліку на рускай, латышскай і літоўскай мовах. Гэта перашкаджае выхаду прадпрымальнікаў на міжнародныя рынкі гэтых краін. Праект накіраваны на вырашэнне гэтай праблемы.
Як чакаецца, рэалізацыя праекта будзе спрыяць паляпшэнню супрацоўніцтва паміж прадпрыемствамі, гандлёвымі палатамі і ўніверсітэтамі трансгранічнай тэрыторыі, атрыманню прадпрымальнікамі новых ведаў і навыкаў праз удзел у бізнес-трэнінгах. Гэта прывядзе да павелічэння абароту тавараў і паслуг паміж краінамі - партнёрамі праекта.-0-
Навіны Беларусі (БЕЛТА)