17 жніўня, Калінкавіцкі раён /Таццяна Паляжай - БЕЛТА/. Беларусь накіравала ў Венесуэлу першую партыю сметанковага масла. Пра гэта далажыў сёння Прэзідэнту Беларусі Аляксандру Лукашэнку падчас яго рабочай паездкі ў Гомельскую вобласць выконваючы абавязкі міністра сельскай гаспадаркі і харчавання Леанід Марыніч, перадае карэспандэнт БЕЛТА. Па словах выконваючага абавязкі міністра, першая партыя сметанковага масла ў 90 т ужо адгружана. Усяго ў Венесуэлу будзе накіравана 720 т гэтай прадукцыі. У гутарцы з карэспандэнтам БЕЛТА Леанід Марыніч распавёў, што сметанковае масла будзе пастаўляцца ў Венесуэлу блокамі па 20 кг і фасоўвацца на месцы. "Венесуэла ў цяперашні час мяняе структуру харчавання насельніцтва. Раней тут актыўна выкарыстоўваўся маргарын, але для здароўя нацыі патрэбна натуральнае сметанковае масла", - сказаў Леанід Марыніч. Ён таксама адзначыў, што была праведзена сертыфікацыя заводаў, і ў планах у беларускага боку экспартаваць гэтую прадукцыю ў Венесуэлу тысячамі тон.-0-

БЕЛТА