14 жніўня, Мінск /Кар. БЕЛТА/. Беларусь у перспектыве ўмацуе свае пазіцыі ў якасці рэгіянальнага цэнтра развіцця. Такое меркаванне выказаў карэспандэнту БЕЛТА кандыдат філасофскіх навук, дацэнт Мікалай Шчокін.
14 жніўня, Мінск /Кар. БЕЛТА/. Беларусь у перспектыве ўмацуе свае пазіцыі ў якасці рэгіянальнага цэнтра развіцця. Такое меркаванне выказаў карэспандэнту БЕЛТА кандыдат філасофскіх навук, дацэнт Мікалай Шчокін.
"Галоўнае дасягненне незалежнай Беларусі - мір і бяспека, надзейнасць і стабільнасць, палітычная і сацыяльна-эканамічная раўнавага. У гэтым чарговы раз і нас, беларусаў, і нашых партнёраў, і нават нядобразычліўцаў пераконваюць апошнія падзеі, якія адбываюцца ў свеце, у тым ліку і ў непасрэднай блізкасці ад нашай краіны, - сказаў суразмоўца. - Ідэя аднаполярнага свету з імперскім дамінаваннем звышдзяржавы (ЗША) сябе не апраўдала, яна ўжо не адпавядае аб'ектыўным тэндэнцыям сусветнага развіцця. Спробы навязаць іншым краінам нібыта больш прагрэсіўную мадэль развіцця на справе абяртаюцца рэгрэсам, варварствам, вялікай крывёй (прыклады - Блізкі Усход, Паўночная Афрыка, а цяпер і Украіна). Замест дэклараванай дэмакратыі і свабоды насаджаецца хаос, ад якога пакутуюць і асобныя людзі, і цэлыя народы. Як следства, адчувальна нарастае расчараванне ад дзеянняў моцных свету гэтага. І на сцэну могуць выйсці новыя гульцы, якія ў аддаленай перспектыве маюць шанец стаць лідарамі рэгіянальнага развіцця".
На думку эксперта, Беларусь можа апынуцца сярод іх. Для гэтага ў яе ёсць сур'ёзныя перадумовы. Як вядома, Беларусь зарэкамендавала сябе паспяховым і эфектыўным удзельнікам інтэграцыйных працэсаў у Саюзнай дзяржаве, СНД, Мытным саюзе, ЕўрАзЭС. Краіна мае выгаднае геаграфічнае становішча, шматвектарныя знешнеэканамічныя і палітычныя сувязі. Беларусь не пайшла па шляху дэканструкцыі суверэннай дзяржаўнасці, захавала рэлігійную і сацыякультурную шматлікасць, у нашага народа ярка выяўлена пачуццё гонару за сваю гісторыю і высокую самасвядомасць.
"З улікам перафарміравання цэнтраў глабальнай сілы, што адбываецца ў свеце, сёння нашай краіне трэба выбудаваць новую стратэгію свайго развіцця - з упорам на перспектыву стаць цэнтрам рэгіянальнай інтэграцыі. І тады свет адкрые для сябе новую Беларусь - узор адкрытасці і ўмення весці дыялог, знаходзіць кампраміс і захапляць за сабой", - упэўнены эксперт.-0-