28 ліпеня, Мінск /Кар. БЕЛТА/. Беларусь вядзе перамовы аб спрашчэнні візавага рэжыму і адмене віз прыкладна з паўтара дзясяткамі дзяржаў. Пра гэта заявіў міністр замежных спраў Беларусі Уладзімір Макей у інтэрв'ю праграме "Нядзеля" тэлеканала "СТБ", паведамляе карэспандэнт БЕЛТА.
28 ліпеня, Мінск /Кар. БЕЛТА/. Беларусь вядзе перамовы аб спрашчэнні візавага рэжыму і адмене віз прыкладна з паўтара дзясяткамі дзяржаў. Пра гэта заявіў міністр замежных спраў Беларусі Уладзімір Макей у інтэрв'ю праграме "Нядзеля" тэлеканала "СТБ", паведамляе карэспандэнт БЕЛТА.
Міністр нагадаў, што з 1 ліпеня ажыццяўляецца бязвізавы рэжым з Турцыяй, з 5 ліпеня ўступіла ў сілу пагадненне аб бязвізавым рэжыме з Манголіяй, а 20 чэрвеня падпісана падобнае пагадненне з Эквадорам. "У цэлым мы зараз вядзём перамовы аб спрашчэнні візавага рэжыму і аб яго адмене прыкладна з паўтара дзясяткамі дзяржаў - гэта і Аб'яднаныя Арабскія Эміраты, і Сінгапур, і шэраг іншых, - заявіў Уладзімір Макей. - Задача складаецца ў тым, каб выканаць устаноўку Прэзідэнта, якую ён даў у Пасланні парламенту і народу ў 2013 годзе. Мы павінны стварыць нармальныя ўмовы для вядзення бізнесу ў нашай краіне з тымі краінамі, якія нам цікавыя, і забяспечыць нашым грамадзянам, вядома ж, свабоду перамяшчэння з тымі краінамі, якія для нас цікавыя".
"Што тычыцца нашых адносін з Еўрапейскім саюзам, то ўжо адбыўся першы раунд кансультацый па заключэнні пагадненняў аб палягчэнні візавага рэжыму і рэадмісіі з Еўрапейскім саюзам. Мы выпрацавалі канкрэтную аснову для далейшай працы. Кожны бок выклаў свой пункт гледжання на гэты працэс. Чакаюцца чарговыя кансультацыі, - адзначыў кіраўнік знешнепалітычнага ведамства. - Я думаю, што мы будзем спакойна рухацца ў гэтым напрамку, зыходзячы з таго, што гэтыя пагадненні выгадныя для грамадзян нашых дзяржаў, але яны павінны быць пабудаваны на раўнапраўнай, недыскрымінацыйнай аснове, як гэта было зроблена Еўрасаюзам і з іншымі дзяржавамі".-0-
Навіны Беларусі (БЕЛТА)