9 чэрвеня, Мінск /Кар. БЕЛТА/. ААТ "АСБ Беларусбанк" з 9 чэрвеня 2011 года павысіў працэнтныя стаўкі па тэрміновых банкаўскіх укладах (дэпазітах) фізічных асоб у беларускіх рублях і замежнай валюце. Пра гэта паведамілі БЕЛТА ў прэс-службе банка. Гэта датычыцца як зноў прымаемых, так і раней прынятых укладаў, па якіх не парушана тэрміновасць. Укладчыкам, якія маюць тэрміновыя дэпазіты ў беларускіх рублях і замежнай валюце, прадастаўлена права з 15 чэрвеня 2011 года датэрмінова скасаваць дагавор банкаўскага ўкладу і перааформіць яго на любы з існуючых відаў тэрміновых укладаў. Пры гэтым выплата працэнтаў ажыццяўляецца ў памеры, пазначаным у дагаворы працэнтнай стаўкі, без яе зніжэння. Таксама банкам унесены змены ў парадак выплаты ўкладаў у замежнай валюце. Пры нявыплаце сумы ўкладу ў тэрмін яго вяртання працэнтны даход будзе налічвацца па той працэнтнай стаўцы, якая пазначана дагаворам, з даты тэрміну вяртання да даты фактычнай выплаты ўкладу. Гэтая норма распаўсюджваецца і на ўклады, якія былі зачынены пасля заканчэння тэрміну дагавора з 18 сакавіка да 15 чэрвеня 2011 года. Па іх таксама будзе праведзены пераразлік па асноўнай стаўцы канкрэтнага віду ўкладу ў поўным памеры без яе зніжэння. Сродкі кліенту, які звярнуўся ў банк, будуць выплачаны шляхам залічэння на ўклады або наяўнымі. Адпаведныя рашэнні былі прыняты банкам у мэтах абароны інтарэсаў укладчыкаў.-0-

БЕЛТА