Беларускія школьнікі на I Сусветнай зімовай гімназіядзе ў Грэноблі (Францыя), якая пройдзе 5-10 лютага, паўдзельнічаюць у спаборніцтвах па кёрлінгу, біятлоне і горналыжным спорце. Пра гэта карэспандэнту БЕЛТА паведаміў начальнік галоўнага ўпраўлення выхаваўчай работы і моладзевай палітыкі Міністэрства адукацыі Эдуард Тамільчык.
Беларускія школьнікі на I Сусветнай зімовай гімназіядзе ў Грэноблі (Францыя), якая пройдзе 5-10 лютага, паўдзельнічаюць у спаборніцтвах па кёрлінгу, біятлоне і горналыжным спорце. Пра гэта карэспандэнту БЕЛТА паведаміў начальнік галоўнага ўпраўлення выхаваўчай работы і моладзевай палітыкі Міністэрства адукацыі Эдуард Тамільчык.
У праграму гімназіяды ўключаны горналыжны спорт, лыжныя гонкі, скачкі на лыжах з трампліна, біятлон, кёрлінг, фрыстайл, хакей, сноўборд. "Беларуская зборная прыме ўдзел у трох з іх: у кёрлінгу, біятлоне і горналыжным спорце. Мы спадзяемся, што юныя спартсмены пакажуць годныя вынікі", - адзначыў Эдуард Тамільчык. Ён пажадаў школьнікам поспехаў на гімназіядзе, падкрэсліўшы, што яна для дзяцей значная як Алімпійскія гульні для дарослых спартсменаў.
У Мінску адбыліся ўрачыстыя правады беларускай спартыўнай дэлегацыі на I Сусветную зімовую гімназіяду. Капітанам спартыўнай дэлегацыі стаў біятланіст Антон Шыдлоўскі. Яго найлепшы вынік сезона - чацвёртае месца на першым этапе Кубка Беларускай федэрацыі біятлона ў мас-старце.
Беларусь з'яўляецца членам Міжнароднай федэрацыі школьнага спорту (ISF) з 2012 года. За гэты час беларускія школьнікі-спартсмены двойчы прымалі ўдзел у Сусветных летніх гімназіядах у 2013 годзе ў Бразіліі, у 2016-м - у Турцыі, адкуль прывезлі 4 і 14 узнагарод рознага вартасці адпаведна.