Беларускі Дзед Мароз цягам года атрымлівае каля 17 тыс. лістоў, якія ў яго рэзідэнцыю ў Белавежскай пушчы дасылаюць жыхары розных краін, паведамілі карэспандэнту БЕЛТА ў турыстычным аддзеле нацыянальнага парка.
Беларускі Дзед Мароз цягам года атрымлівае каля 17 тыс. лістоў, якія ў яго рэзідэнцыю ў Белавежскай пушчы дасылаюць жыхары розных краін, паведамілі карэспандэнту БЕЛТА ў турыстычным аддзеле нацыянальнага парка.
Пошта чараўніку прыходзіць круглы год. У цёплы час лістоў прыходзіць менш, з надыходам халадоў паток карэспандэнцыі значна павялічваецца. Напярэдадні Новага года ў дзень Дзед Мароз можа атрымліваць да 2 тыс. лістоў. Часцей за ўсё яму пішуць беларусы, але дасылаюць вестачкі і жыхары блізкага і далёкага замежжа, напрыклад, Японіі, Кітая, Пакістана, краін Афрыкі. "Жывыя зносіны выклікаюць у замежных гасцей шмат станоўчых эмоцый. Пабываўшы ў нас, некаторыя потым пішуць лісты", - распавёў Дзед Мароз.
Ніводны ліст не застаецца без адказу, калі адрас адпраўніка пазначаны карэктна. Па словах чараўніка, вераць у цуды і дзеці, і дарослыя. "Дарослыя часта просяць дапамагчы вырашыць жыццёвыя праблемы. Ад дзяцей прыходзяць розныя па змесце лісты. Шмат хто нешта просіць у падарунак. Аднак нямала атрымліваю лістоў, у якіх дзеці дзякуюць, распавядаюць пра сябе і сям'ю, свае добрыя справы, дасылаюць малюнкі і фотаздымкі", - падзяліўся ён.
Маёнтак Дзеда Мароза ў Белавежскай пушчы адкрылася ў снежні 2003 года. За 15 гадоў у яго ў гасцях пабывалі больш за 1,5 млн турыстаў са 101 краіны. У гонар юбілею рэзідэнцыі 8 снежня арганізуюць свята. У гэты дзень будзе адкрыты памятны знак Новаму году. Таксама праграма ўключае фестывалі зімовых чараўнікоў "Зубр сваёй справы", творчых калектываў - "Агні Зімы", гала-канцэрт на галоўнай сцэне маёнтка. Яркай падзеяй абяцае стаць цырымонія запальвання першых навагодніх агнёў у Беларусі.
У мерапрыемствах возьмуць удзел казачныя персанажы з Беларусі, чакаецца прыезд з Расіі Глінушка з Яранска і башкирскага Кыш Бабая. "З самымі светлымі пачуццямі чакаю свята, збяруцца добрыя сябры. Магчыма, прыедзе з Літвы мой калега. Будзе парад Дзедаў Марозаў. Праграма разнастайная: шмат песень, жартаў, смачнай ежы. Прыязджайце", - запрасіў на 15-годдзе свайго маёнтка беларускі Дзед Мароз.